საქართველოში თურქეთის რესპუბლიკის საგანგებო და სრულუფლებიანი ელჩი ზექი ლევენთ გუმრუქჩუ ადასტურებს, რომ დღეს ბათუმს თურქეთის პრემიერ-მინისტრი ბინალი ილდირიმი ეწვევა. 

ელჩის თქმით, თურქეთის პრემიერს საქართველოს პრემიერ-მინისტრი გიორგი კვირიკაშვილი სადილზე უმასპინძლებს. 

„ჩვენს პრემიერ-მინისტრს აქვს თავისი პროგრამა ქალაქ ართვინში, რომელიც საქართველო-თურქეთის საზღვართან ახლოს მდებარეობს. ამ პროგრამის დასრულების შემდეგ, იგი სტამბოლში უნდა გაფრინდეს ბათუმიდან, ასე რომ, საზღვრიდან აეროპორტამდე მოკლე ტრანსფერი ექნება. საქართველოს პრემიერ-მინისტრმა გამოთქვა კეთილი სურვილი, ესარგებლა ამ შესაძლებლობით. ეს ჩვენი პრემიერ-მინისტრისთვისაც ძალიან დიდი პატივია. პრემიერ-მინისტრები ერთმანეთს საღამოს სადილზე შეხვდებიან. 

ყველა საინტერესო საკითხს შეეხებიან, თუმცა, როგორც გითხარით, ეს არ არის რაიმე ოფიციალური ან წინასწარ დაგეგმილი ვიზიტი და მხოლოდ შესაძლებლობის გამოყენებაა. ამიტომ, არ არსებობს რაიმე დღის წესრიგი ან საკითხთა ოფიციალური ჩამონათვალი. ისინი ისაუბრებენ ყველა თემაზე, რომელსაც ამ ეტაპზე საჭიროდ ჩათვლიან“, - განაცხადა თურქეთის ელჩმა საქართველოში. 

თურქეთის პრემიერ-მინისტრი ბინალი ილდირიმი არაოფიციალური ვიზიტით ბათუმში ჩამოდის. აღნიშნული ინფორმაცია "ექსპრესნიუსს" მთავრობის ადმინისტრაციაში დაუდასტურეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა

დროა: როდესაც ხოშტარია არ არის გადაყვანილი სამოქალაქო კლინიკაში, ეს სადამსჯელო ოპერაციაა

სააკაშვილი: ზურაბიშვილი საქართველოს ისტორიაში ყველაზე ცუდი საგარეო საქმეთა მინისტრი იყო