საქართველოს პრეზიდენტმა ადმინისტრაციის წარმომადგენლებთან და პოლიტიკური პარტიების ლიდერებთან ერთად დღეს კამპანიის „კონსტიტუცია ყველასია" ფარგლებში შეხვედრები გამართა თელავის  დემოკრატიული ჩართულობის ცენტრში.

თელავის დემოკრატიული ჩართულობის ცენტრში შეხვედრას მოდერაციას "თავისუფალი დემოკრატების'' თავმჯდომარე ნინო გოგუაძე უწევდა.

პრეზიდენტის კამპანია კონსტიტუციის დამტკიცებამდე, ცვლილებების განხილვის პროცესში, საერთო სახალხო ჩართულობას გულისხმობს.

ქვეყნის პირველმა პირმა კონსტიტუციაში შესატან ცვლილებებთან დაკავშირებით პოლიტიკური პარტიების და საზოგადოების სხვადასხვა ჯგუფების მოსაზრებები მოისმინა.

შეხვედრისას გამოითქვა მოსაზრებები ადგილობრივი თვითმმართველობის დამოუკიდებლობის ხარისხის გაზრდის, ქვეყნის ტერიტორიული მოწყობის, რწმუნებულ- გუბერნატორების ინსტიტუტის, საარჩევნო სისტემის ცვლილების, საარჩევნო ბარიერის დაწევისა და პროპორციულ სისტემაზე გადასვლის შესახებ.

გიორგი მარგველაშვილის განცხადებით, კონსტიტუციის სულისკვეთება საქართველოს თითოეული მოქალაქის თანხმობაა ძირითადი თამაშის წესების შესახებ.

"ჩვენ ერთმანეთს ვუზიარებთ მოსაზრებებს როგორი გვსურს იყოს ერთიანი, ძლიერი სახელმწიფო. როგორი თვითმმართველობა გვსურს, როგორ უნდა ჩავერთოთ ქვეყნის ყოველდღიურ ცხოვრებაში.

მნიშვნელოვანია, რომ ჩვენ ყველამ ერთად დავწეროთ კონსტიტუცია და ამით პატივი ვცეთ ერთმანეთის მოსაზრებებს და განსხვავებულ აზრს.

მნიშვენელოვანია სწორედ ეს პოლიტიკური პროცესი, როცა მოსახლეობა ჩართულია ფუნდამენტური კანონის ფორმირებაში.

ამ დისკუსიის გაშლა გვინდა ჩვენ. იყოს ხალხის ჩართულობა, იყოს ხალხის მოსაზრება, იყოს ამაზე კამათი და არა ისე, რომ დახურულ კარს მიღმა გადაწყდეს და როგორც არაერთხელ ყოფილა, დაგვაყენებენ ფაქტის წინაშე.

თუ ჩვენ ყველანი დავიწყებთ ამ საკითხზე საუბარს, ჩვენ მივალთ ისეთ პროცესამდე, რომელიც უფრო შეგვკრავს და გაგვაერთიანებს როგორც ერს.

პოლიტიკური პარტიების არსებობა ჩემი მიზანია და ჩემი სურვილი, იგივე საკანონმდებლო ნაწილში, იქითკენ არის მიმართული, რომ ძლიერი პოლიტიკური პარტიები იყოს', - აღნიშნა გიორგი მარგველაშვილმა.

საქართველოს პრეზიდენტი კამპანიის ფარგლებში ჩასვლას ყველა რეგიონში გეგმავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი - როდესაც ომი დასრულდება, უკრაინა ცოტა განსხვავებულ ფორმას მიიღებს

კობახიძე - საქართველო სოლიდარობას უცხადებს პოლონეთსა და პოლონელ ხალხს

რუბიო იმედოვნებს, რომ აბუ-დაბიში უკრაინის ომთან დაკავშირებულ მოლაპარაკებებში პროგრესი იქნება

Reuters: ვენსი ტრამპის არაპოპულარული გადაწყვეტილებებისგან დისტანციას იჭერს და რესპუბლიკელთა ლიდერობისთვის ბრძოლისთვის ემზადება