„ბათუმში განვითარებული პროცესების პოლიტიკური ოპონენტებისთვის გადაბრალება ხელისუფლების ცდუნებაა“,-ამის შესახებ „მოძრაობა თავისუფლებისთვის-ევროპული საქართველოს“ წევრმა სერგი  კაპანაძემ განაცხადა.

 როგორც კაპანაძემ აღნიშნა, „ხელისუფლებამ როგორც სჩვევია ნაჩქარევი შეფასებები გააკეთა და ხელი პოლიტიკურ ოპონენტებს დაადო.

,,ყველაზე ცუდი, რაც ჩვენ ვნახეთ ამ ბოლო საათებში არის ის, რომ როგორც ადრე სჩვევია ხელისუფლებას, გააკეთეს ნაჩქარევი შეფასებები და პირდაპირ ხელი დაადეს პოლიტიკურ ოპონენტებს. ეს ჩვენ ვნახეთ აქამდეც, როდესაც გივი თარგამაძის მანქანა ააფეთქეს. მაშინვე მოხდა ხელის გაშვერა კონკრეტული პოლიტიკური ძალის და ადამიანების მიმართ. გამოძიებამ კი აჩვენა, რომ მსგავსი რამ არ მომხდარა. მესმის, რომ ხელისუფლებას აქვს ცდუნება გადააბრალოს ოპოზიციას და პოლიტიკურ ოპონენტებს, მაგრამ მგონია, რომ ისინი იმით უნდა იყვნენ დაკავებული, რომ რეალურად გამოიძიონ რა მოხდა. ვინც დამნაშავეა დაისაჯოს, როგორც ერთი, ისე მეორე მხრიდან იმიტომ, რომ გუშინ არ იკვეთებოდა დანაშაული მხოლოდ ერთი მხრიდან. ნაცვლად პოლიტიკური თამაშებისა, ხელისუფლების მხრიდან,მოვუწოდებ, რომ კონკრეტული პრობლემა მოაგვარონ, რომელიც შეიძლება გაცილებით დიდი პრობლემის შემქმნელი იყოს ჩვენი ქვეყნისთვის,’’- განაცხადა სერგი კაპანაძე. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა