კათოლიკე ეკლესია: შეშფოთებით ვადევნებთ თვალს „რუსთავი 2“-ის ირგვლივ განვითარებულ მოვლენებს

2017-03-03 20:19:10, 1769 ნახვა

პოლიტიკა

შეშფოთებით ადევნებს თვალს ტელეკომპანია რუსთავი2-ის ირგვლივ განვითარებულ მოვლენებს, - ამის შესახებ "კათოლიკე ეკლესია საქართველოში"-ს განცხადებაშია აღნიშნული/

კათოლიკე ეკლესია რუსთავი 2-თან დაკავშირებით კითხვებს სვამს:

"კავკასიის ლათინ კათოლიკეთა სამოციქულო ადმინისტრაცია შეშფოთებით ადევნებს თვალს ტელეკომპანია რუსთავი2-ის ირგვლივ განვითარებულ მოვლენებს. ეკლესია საერო ცხოვრებაში, როგორც ყოველთვის, იცავს მიუმხრობლობის პრინციპს და სასამართლოს გადაწყვეტილების რაიმენაირი შეფასების სურვილის გარეშე სვამს კითხვებს, რომლებიც სპონტანურად იბადება მსგავს შემთხვევებში: ამ ისტორიულ მომენტში ჩვენს საზოგადოებაში არის თუ არა საკმარისად გათვალისწინებული საერთო სიკეთე, პლურალიზმი და ინფორმაციის თავისუფლება, ყოველი დემოკრატიისა და ადამიანის ღირსების დაცვის საუნჯე?

"ვიმედოვნებთ და ვლოცულობთ, რათა ეს საუნჯე ძვირად ფასობდეს ყველას თვალში და ყოველი ჩვენგანი ესარჩლებოდეს მას", - ნათქვამია განცხადებაში.

განცხადებას ხელს ეპისკოპოსი ჯუზეპე პაზოტო აწერს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან