თელასის მენეჯერის ნიკოლოზ  ლომინაძის მკვლელობის საქმეზე სააპელაციო სასამართლოს განაჩენი უზენაესმა სასამართლომ ძალაში დატოვა. მსჯავრდებული გია გვიჩიანისა და ნიკოლოზ ჩემიას ადვოკატები გადაწყვეტილებას უკანონოს უწოდებენ. მათი მტკიცებით,  სასამართლომ გადაწყვეტილება ზეპირი მოსმენის გარეშე მიიღო. სწორედ ამიტომ, ადვოკატები მოსამრთლეთა საქმიანობის შესწავლის მოთხოვნით,  იუსტიციის უმაღლეს საბჭოს მიმართავენ.
"ეს იყო კუდის მოქნევა კუბლაშვილის, ვინაიდან კუბლაშვილის უზენაესი სასამართლოს თავმჯდომაროების დროს,  ყველამ ვიცით, რომ 100 000- ობით უკანონო განაჩენი არის გამოტანილი, მით უფრო ეს არის იმ განაჩენთა შორის ერთ-ერთი ყველაზე უკანონო განაჩენი. ჩვენ მივმართავთ დისციპლინარული დევნის დაწყების მოთხოვნით იუსტიციის უმაღლეს საბჭოს",-განაცხადა ადვოკატმა ირმა ჭკადუამ.
შეგახსენებთ, 2014 წლის ივლისში გია გვიჩიანსა და ნიკოლოზ ჩემიას სააპელაციო სასამართლომ უვადო პატიმრობა 15 წლიანი სასჯელით შეუცვალა. გია გვიჩიანსა და ნიკა ლომინაძეს პატიმრობაში გატარებული დრო ჩაეთვალათ სასჯელის სახით და მათთვის 15 წლიანი სასჯელის ათვლის ვადა დაიწო დაკავების მომენტიდან, ანუ 2006 წლის 7 მარტიდან.
ცნობისთვის, თელასის მენეჯერი ნიკა ლომინაძე 2002 წელს ბახტრიონზე მდებარე საცხოვრებელ სახლში მოკლეს. მკველობის შემკვეთად გია გვიჩიანი და ნიკა ჩემია სცნეს და მას სამუდამო პატიმრობა მიუსაჯეს.მათთან ერთად დაკავებული იყო სამი პირი, რომელთაც პროკურატურამ აღიარებითი ჩვენების სანაცვლოდ, საპროცესო შეთანხმება გაუფორმა. საქმის ხელახალი გადასინჯვა კი, 2013 წლის სექტემბერში დაიწყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება