2017-02-28 13:54:48, 1679 ნახვა
პოლიტიკა
„საქართველოს პატრიოტთა ალიანსი“ პარლამენტის რიგგარეშე სხდომას ბოიკოტს უცხადებს
„საქართველოს პატრიოტთა ალიანსი“ 1 მარტს დაგეგმილ პარლამენტის რიგგარეშე სხდომას ბოიკოტს უცხადებს, - ამის შესახებ პარტიის ლიდერმა ირმა ინაშვილმა დღევანდელ პრესკონფერენციაზე განაცხადა.
პარლამენტის ვიცე-სპიკერის თქმით, ბოიკოტის მთავარი მიზეზი ფარული მოსმენების შესახებ კანონია.
,,ჩვენ არ მივიღებთ იმ სპექტაკლში მონაწილეობას, რომელშიც „ნაციონალური მოძრაობა" და „ქართული ოცნება" ერთმანეთს პინგ-პონგს ეთამაშებიან", - აღნიშნა ირმა ინაშვილმა.
შეგახსენებთ, რომ ხვალ პარლამენტის რიგგარეშე სხდომაა დაგეგმილი. სხდომაზე მესამე მოსმენით ფარული მოსმენების შესახებ კანონის განხილვაა დაგეგმილი.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
