2017-02-28 11:50:42, 1579 ნახვა
საზოგადოება
ზუგდიდის ე.წ. საკოლმეურნეო ბაზრის მოვაჭრეები მერიაში შეიჭრნენ
ზუგდიდის სუპერმარკეტის ე.წ. საკოლმეურნეო ბაზრის მოვაჭრეები ზუგდიდის მერიის შენობაში შეიჭრნენ.
საზოგადოებრივი მაუწყებლის ინფორმაციით, ისინი ადგილობრივი ხელისუფლებისგან ბაზრის მიმდებარედ გარევაჭრობის აკრძალვას მოითხოვენ.
ტელეკომპანიის ცნობით, მოვაჭრეები ამ წუთებში ზუგდიდის მერიის წარმომადგენლებთან შეხვედრას მართავენ.
ადგილზე დაახლოებით 30-მდე მოვაჭრე იმყოფება. მათი ერთადერთი მოთხოვნა ე.წ. საკოლმეურნეო ბაზრის მიმდებარედ გარე ვაჭრობის აკრძალვაა.
მოვაჭრეების მტკიცებით, ისინი საკუთარი პროდუქციის გაყიდვას ვეღარ ახერხებენ, ვინაიდან პროდუქტებს მოქალაქეები გარემოვაჭრეებისგან ყიდულობენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
