საქართველოს პრემიერ-მინისტრი გიორგი კვირიკაშვილი მოსახლეობას ევროკავშირის საბჭოს მიერ რეგულაციაში საბოლოო ცვლილების დამტკიცებას ულოცავს, რომელიც საქართველოს მოქალაქეებისათვის უვიზო მიმოსვლის რეჟიმის შემოღებას ითვალისწინებს.

ევროსაბჭოს გადაწყვეტილებაზე პრემიერმა ევროკომისარ დიმიტრის ავრამოპულოსთან ერთად გამართულ პრესკონფერენციაზე ისაუბრა.

„ჩვენ ძალიან მოხარული ვართ, რომ დღეს ევროკავშირის საბჭომ დაამტკიცა საბოლოო ცვლილება რეგულაციაში, რომელიც საქართველოს მოქალაქეებისათვის უვიზო მიმოსვლის რეჟიმის შემოღებას ითვალისწინებს. ეს არის საბოლოო ნაბიჯი გადაწყვეტილების მიღების პროცესში.
ვულოცავ საქართველოს ყველა მოქალაქეს ამ ძალიან მნიშვნელოვან გადაწყვეტილებას. საგულისხმოა, რომ ევროკავშირის სამივე ინსტიტუტმა, უკვე საბოლოო თანხმობა გამოხატა საქართველოს სავიზო ლიბერალიზაციის საკითხთან დაკავშირებით. 
1 მარტს, განახლებულ რეგულაციას ხელი მოეწერება და რამდენიმე დღეში გამოქვეყნდება ოფიციალურ ჟურნალში. გამოქვეყნებიდან 20 დღის ვადაში,  საქართველოს მოქალაქეები შეძლებენ მოკლევადიანი ვიზიტით, უვიზოდ გაემგზავრონ ევროკავშირის შენგენის წევრ ქვეყნებში“, - განაცხადა გიორგი კვირიკაშვილმა.

ცნობისთვის, ევროკავშირის საბჭომ საქართველოსთვის ვიზალიბერალიზაციის შესახებ ახალი რეგულაცია მიიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა რუსეთსა და უკრაინას შორის სამდღიანი ცეცხლის შეწყვეტის შესახებ განაცხადა

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო