თბილისში, აღმაშენებლის გამზირზე, 150 ნომერში, მაიკლ ბარვისის მეთოდოლოგიაზე დაფუძნებული პირველი ამერიკული ცენტრი „ჩემპიონთა აკადემია“ გაიხსნა.

ცენტრი პროფესიონალ სპორტსმენებზეა გათვლილი, თუმცა ვარჯიში ნებისმიერ დაინტერესებულ პირს შეუძლია.  „ჩემპიონთა აკადემიის“ მთავარი მწვრთნელები ბრიტანელები და ქართველები არიან, რომლებმაც  ამერიკაში სპეციალური სწავლება გაიარეს.

როგორც ჟურნალისტებთან საუბარში ცენტრის დამფუძნებელმა და დირექტორმა გიორგი ოქრიაშვილმა აღნიშნა, პროფესიონალური, ფიზიკური მომზადების ცენტრი საუკეთესო ამერიკულ კომპანიასთან პარტნიორობს.

„ჩვენ შევქმენით საუკეთესო გარემო ქართველი სპორტსმენებისთვის. პროექტში 5 მილიონი ლარის ინვესტიცია განხორციელდა. ჩვენ არ ვგავართ არცერთ ფიტნეს კლუბს, ჩვენ ვართ ფიზიკური  მომზადების ცენტრი. ჩვენ სპორტსმენებისთვის შევქმენით საუკეთესო გარემო“,-აღნიშნა ოქრიაშვილმა.

„ჩემპიონთა აკადემია“ ოთხ სართულზეა განლაგებული და ფიზიკური მომზადებით დაინტერესებულ პირებს სხვადასხვა ტიპის პროგრამებს სთავაზობს. ცენტრში შესაძლებელია პროფესიონალური, სპორტული აქტივობა, ასევე მოქმედებს სპეციალური სავარჯიშო პროგრამები ბავშვებისა და ქალებისთვის. ყველა მეთოდოლოგია სპორტული მედიცინის უახლესი კვლევების საფუძველზეა შექმნილი. აღსანიშნავია, რომ ცენტრში მოქმედებას დაიწყებს პოსტტრავმული და ნეირორეაბილიტაციის პროგრამები. ტრავმის შემდგომ თითოეული ადამიანის მონაცემი ამერიკაში გაიგზავნება.  მაიკლ ბარვისი თითოეული ადამიანისთვის სპეციალურ ინდივიდუალურ პროგრამას შეიმუშავებს.

„მოხარულები ვართ, რომ ქართველ სპორტსმენებს და დაინტერესებულ პირებს ფიზიკური მომზადებისთვის საზღვარგარეთ წასვლა არ დასჭირდებათ და უკეთეს  შედეგებს აჩვენებენ საერთაშორისო თუ ადგილობრივ ასპარეზობებში. „ჩემპიონთა აკადემია“  მაიკლ ბარვისის მეთოდზე დაფუძნებული პირველი საერთაშორისო ცენტრია აღმოსავლეთ ევროპაში. პროექტზე მუშაობა ჩვენს ამერიკელ კოლეგებთან ერთად ორი წლის წინ დავიწყეთ. საქართველო ამ პროექტის ჰაბი გახდება და ბარვისის მეთოდოლოგიის დანერგვაში მეზობელ ქვეყნებს თურქეთს, აზერბაიჯანს, სომხეთს და შუა აზიის ქვეყნებს დაეხმარება. ყველა აპარატურა ამერიკიდანაა ჩამოტანილი და უახლესი ციფრული ტექნოლოგიებითთაა აღჭურვილი. ისინი სრულადაა მორგებული თანამედროვე სპორტულ მოთხოვნებზე“, - აცხადებენ „ჩემპიონთა აკადემიაში“.

მაიკლ ბარვისის მეთოდოლოგია სატელევიზიო არხ „დისქავერზე“ გასული „ბარვისის შოუს“ შემდეგ გახდა პოპულარული და დღეს ამერიკაში ამ მიმართულებით ყველაზე ტრენდულია.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: ვინმეს სერიოზულად სჯერა, რომ ეს „არჩევნები“ სამართლიანი იყო?

კრაკოვში თავდამსხმელი საავადმყოფოში გარდაიცვალა

საქართველოს ბანკის მხარდაჭერით წინანდლის მამულში რიგით მეოთხე ღვინის სიმპოზიუმი გაიმართა

არ გაჩერების კულტურა კალათბურთში - საქართველოს ბანკი კალათბურთის ეროვნული ნაკრების გენერალური სპონსორია