მამა მიქაელ ბოტკოველი პატრიარქის მდივნის თანამდებობის დატოვების შესახებ მიღებული გადაწყვეტილების გადახედვას არ აპირებს.

ბოტკოველი საპატრიარქოს უნივერსიტეტის სამეთვალყურეო საბჭოს თავმჯდომარის გიორგი ანდრიაძის განცხადებას გამოეხმაურა, რომელმაც აღნიშნა, რომ პატრიარქის მდივანმა „ემოციური განცხადება გააკეთა“.

„მე ბავშვი არ ვარ, რომ ემოციურ განცხადებებს ვაკეთებდე, საკმაოდ ზრდასრული ადამიანი ვარ. მე მივიღე აბსოლუტურად გაცნობიერებული გადაწყვეტილება და მის რევიზიას არ ვაპირებ. ეს რა თქმა უნდა, თქვას ანდრიაძემ თავისი აზრი, შეიძლება სხვამაც გამოთქვას თავისი პოზიცია. მე გადაწყვეტილება უკვე მიღებული მაქვს“, - განუცხადა „რუსთავი 2“-ს მამა მიქაელ ბოტკოველმა და დასძინა, რომ საკუთარი გადაწყვეტილების შესახებ პატრიარქისთვის არ უცნობებია.

შეგახსენებთ, მამა მიქაელ ბოტკოველმა თანამდებობიდან გადადგომის შესახებ გადაწყვეტილება გუშინ მიიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: ვინმეს სერიოზულად სჯერა, რომ ეს „არჩევნები“ სამართლიანი იყო?

კრაკოვში თავდამსხმელი საავადმყოფოში გარდაიცვალა

საქართველოს ბანკის მხარდაჭერით წინანდლის მამულში რიგით მეოთხე ღვინის სიმპოზიუმი გაიმართა

არ გაჩერების კულტურა კალათბურთში - საქართველოს ბანკი კალათბურთის ეროვნული ნაკრების გენერალური სპონსორია