სომხეთის პრემიერ–მინისტრმა კარენ კარაპეტიანმა  ქართველ კოლეგას, გიორგი კვირიკაშვილს, საქართველოში მოწვევისთვის და გულთბილი დახვედრისთვის მადლობა გადაუხადა. როგორც მან კვირიკაშვილთან შეხვედრის შემდეგ გამართულ ერთობლივ პრესკონფერენციაზე განაცხადა,  შეხვედრაზე საუბარი შეეხო თანამშრომლობის თითქმის ყველა სფეროს და მხარეები შეთანხმდნენ, რომ  ამ ურთიერთობების გაღრმავებას ხელს შეუწყობენ.

„ვისაუბრეთ რეგიონალური თანამშრომლობის შესახებ და დარწმუნებული ვარ, რომ ამ მიმართულებით გვაქვს საკმაოდ დიდი პოტენციალი. ჩვენ დაინტერესებულნი ვართ, რომ საქართველოს მოქალაქეებმა სომხეთი განიხილონ, როგორც ქვეყანა, სადაც შეიძლება ინვესტიციის განხორციელება, ტურისტად ჩასვლა. ჩვენს კოლეგებს აქვთ შემოთავაზება ბიზნესმენებისთვის, რათა მოეწყოს  შეხვედრა და განვიხილოთ, როგორც საქართველოს, ისე სომხეთის ბაზრის შესაძლებლობები,"–აღნიშნა სომხეთის პრემიერმა.

კარენ კარაპეტიანმა გიორგი კვირიკაშვილი სომხეთში ოფიციალური ვიზიტით მიიწვია, რაც მისი შეფასებით, კიდევ უფრო განამტკიცებს ორი ქვეყნის ურთიერთობებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი - როდესაც ომი დასრულდება, უკრაინა ცოტა განსხვავებულ ფორმას მიიღებს

კობახიძე - საქართველო სოლიდარობას უცხადებს პოლონეთსა და პოლონელ ხალხს

რუბიო იმედოვნებს, რომ აბუ-დაბიში უკრაინის ომთან დაკავშირებულ მოლაპარაკებებში პროგრესი იქნება

Reuters: ვენსი ტრამპის არაპოპულარული გადაწყვეტილებებისგან დისტანციას იჭერს და რესპუბლიკელთა ლიდერობისთვის ბრძოლისთვის ემზადება