ვიქტორ დოლიძე: ვიზალიბერალიზაციასთან დაკავშირებით ყველაფერი გეგმაზომიერად მიდის

2017-02-22 12:48:49, 1674 ნახვა

პოლიტიკა

ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის ვიქტორ დოლიძის განცხადებით, ევროკავშირთან ვიზალიბერალიზაციასთან დაკავშირებით, ყველაფერი გეგმის მიხედვით მიდის.

დოლიძის განმარტებით, COREPER დღევანდელ სხდომაზე ევროპარლამენტის მიერ გამოტანილ გადაწყვეტილებაზე თანხმობის მიცემა მოხდება.

„ვიზალიბერალიზაციას რაც შეეხება, ყველაფერი მიდის გეგმაზომიერად, როგორც მოგახსენეთ ადრეც. დღეს COREPER-ის ერთგვარი ტექნიკური სხდომაა, სადაც უკვე პარლამენტის მიერ გამოტანილ გადაწყვეტილებაზე თანხმობის მიცემა იქნება და 28 თებერვალს საბჭოს სხდომის დღის წესრიგში შეტანა, სადაც დარწმუნებული ვარ, ასევე დადებითი გადაწყვეტილება იქნება“,-აღნიშნა ვიქტორ დოლიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან