საქართველოს პრემიერ-მინისტრმა ავღანეთის პრეზიდენტთან შეხვედრის დეტალებზე ისაუბრა.  კვირიკაშვილის თქმით, ტრანსპორტის, ლოჯისტიკის, ეკონომიკის თვალსაზრისით, ავღანეთთან ურთიერთობაში სრულიად სხვა სახის შესაძლებლობები იხსნება:

„ასევე გვქონდა საუბარი ქართული კომპანიებისთვის შესაძლებლობაზე, რომ ავღანეთის სახლემწიფოს შესყიდვებში მიიღონ მონაწილეობა, რაზეც პრეზიდენტის მხრიდან გამოუითქვა სრული მზაობა, რომ ისინი დიდი სიამოვნებით განიხილავენ ასეთ წინადადებებს. ასევე იყო ძალიან მნიშვნელოვანი შეხვედრა ევროკავშირის საგარეო მიმართულებით უმაღლეს წარმომადგენელთან საგარეო ურთიერთობისა და უსაფრთხოების საკითხებში ფედერიკა მოგერინისთან, რომელმაც მნიშვნელოვანი პიროვნული წვლილი შეიტანა ვიზალიბერალიზაციის მიმართულებით საქართველოს დახმარების თვალსაზრისით. ჩვენ ასევე ვიმუშავეთ ევროკავშირთან ასოცირების ხელშერკულების ფარგლებში მომავალი სამოქმედო გეგმის თაობაზე. ერთი მნიშვნელოვანი დასკვნა, რომელიც შეგვიძლია გამოვიტანოთ მიუნხენის უსაფრთხოების ორდღიანი კონფერენციიდან გახლავთ ის, რომ ვყელაზე ნათლად გამოჩნდა, თუ რამხელა რაციონალი და ლოგიკა დგას ძლიერი ევროკავშირის უკან, ანუ რამდენად მნიშვნელოვანია დღევანდელი გამოწვევების პირობებში ძლიერი ევროკავშირის არსებობა და არაერთი დისკუსიის შემთხვევაში ძალიან ბევრი ლიდერის მიერ იქნა ეს ხაზგასმული. ჩვენ გვქონდა საშუალება დისკუსიების დროს გვესაუბრა საქართველოს სტრატეგიაზე, იმ გამოწვევებზე, რომელიც გვაქვს, ასევე ოკუპაციის პრობლემებზე და მასში საერთაშორისო თანამეგობრობის ჩართულობაზე“,- განაცხადა კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს