სრულიად საქართველოს კათოლიკოს პატრიარქი ილია მეორემ თბილისის საერთაშორისო აეროპორტში მრევლს გაესაუბრა და თანადგომისთვის მადლობა გადაუხადა.

უწმინდესმა ასევე მადლობა გადაუხადა გერმანელ ხალხს, ხელისუფლებას და პროფესორებს, რომლებმაც მისი თქმით, ყველაფერი გააკეთეს, რომ ოპერაცია მშვიდობით დამთავრებულიყო.

"თქვენი ლოცვებით მშვიდობით დავბრუნდი, ძალიან მძიმე ოპერაციის შემდეგ გერმანიიდან. მინდა, მადლობა მოგახსენოთ თქვენი თანადგომისთვის, ლოცვებისთვის. მინდა, მადლობა მოვახსენო გერმანელ ხალხს, გერმანიის ხელისუფლებას, პროფესორებს, რომელთაც ყველაფერი გააკეთეს, რომ ეს ოპერაცია მშვიდობით დამთავრებულიყო. დალოცვილი იყავით", - ბრძანა ილია მეორემ.

მისივე განცხადებით, სამწუხაროა ის, რომ საქართველოში არასასიამოვნო მოვლენები განვითარდა.

"ჩვენ ვფიქრობთ, რომ შევისწავლოთ ხელისუფლებასთან ერთად ეს საკითხები და გამოიტანთ დასკვნას. დარწმუნებული ვარ, რომ ყველაფერი მშვიდობით დამთავრდება. დალოცვილი იყავით. გაიხარეთ", - ბრძანა პატრიარქმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო