დღეს ადამიანით ვაჭრობის (ტრეფიკინგის) წინააღმდეგ ბრძოლისა და ტრეფიკინგზე მოთხოვნის შემცირების საინფორმაციო კამპანიის გახსნის ღონისძიება გაიმართა. ღონისძიებაში აჭარის მთავრობის თავმჯდომარე ზურაბ პატარაძე ჩაერთო.

აჭარის მთავრობის ადმინისტრაციის ინფომაციით, რეგიონის პირველმა პირმა სარფის საბაჟო გამშვებ პუნქტზე გამართულ სპეციალურ შეხვედრაში მიიღო მონაწილეობა. შეხვედრას საქართველოს იუსტიციის სამინისტროს საერთაშორისო საჯარო სამართლის დეპარტამენტის ხელმძღვანელი ქეთევან სარაჯიშვილი, საქართველოს ფინანსთა სამინისტროს შემოსავლების სამსახურისა და საქართველოს შინაგან საქმეთა სამინისტროს საპატრულო პოლიციის დეპარტამენტის წარმომადგენლები ესწრებოდნენ.

მოწვეულ სტუმრებსა და დამსწრე საზოგადოებას აჭარის მთავრობის თავმჯდომარე ზურაბ პატარაძე მიესალმა. „ტრეფიკინგის წინააღმდეგ ბრძოლა ძალიან მნიშვნელოვანია ჩვენი რეგიონისთვის. ყოვლად დაუშვებელია ადმიანებით ვაჭრობა. დღეს ჩატარდა ძალიან მნიშვნელოვანი ღონისძიება. ეს არის პრევენციული ღონისძიება, რომელშიც მაქსიმალურად უნდა იყოს ჩართული ჩვენი მოსახლეობა და ამაღლდეს ცნობიერება. უნდა გავაკეთოთ ყველაფერი თითოეულმა მოქალაქემ იმისათვის, რომ აღვკვეთოთ მსგავსი დანაშაული. მინდა ვისარგებლო შემთხვევით და მადლობა გადავუხადო მიგრაციის საერთაშორისო ორგანიზაციას, სახელმწიფო სამსახურებს, არასამთავრობოებს და საერთაშორისო ორგანიზაციებს, ყველას, ვინც ჩართულია ამ საქმიანობაში. დარწმუნებული ვარ ჩვენი ერთობლივი ძალისხმევით, პროგრამებით და ბრძოლით ყველაფერს გავაკეთებთ, რომ მინიმალური იყოს ტრეგფიკინგის შემხვევები ჩვენს რეგიონში, გამოსწორდეს მდგომარეობა ამ მხრივს. 21-ე საუკუნეა და ჩვენ გვჭირდება უსაფრთხო გარემო. ჩვენ გვაქვს პრეტენზია და რეალურად ვითვლებით ერთერთ ყველაზე უსაფრთხო რეგიონად მსოფლიოში და ეს ტენდენცია, რა თქმა უნდა შესანარჩუნებელია" - განაცხადა რეგიონის პირველმა პირმა.

აღნიშნული ღონისძიება არის პროექტის „ადამიანით ვაჭრობის წინააღმდეგ ბრძოლა და ტრეფიკინგის მსხვერპლთა მომსახურებაზე მოთხოვნის შემცირება" ნაწილი. პროექტი ფინანსდება ამერიკის სახელმწიფო დეპარტამენტის საერთაშორისო ნარკოტიკებისა და კანონის აღსრულების საქმეთა ბიუროს (INL) მიერ და ხორციელდება მიგრაციის საერთაშორისო ორგანიზაციის მიერ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო