გვიჩიანი: დასრულდა 11 წლიანი პატიმრობა, რომლის საფუძველი იყო ენერგეტიკის სექტორში ჩემი საქმიანობა და სააკაშვილის რეჟიმი

2017-02-20 12:44:19, 2475 ნახვა

სამართალი კომენტარი

„ახალი გამოძიებით და სასამართლოს დღევანდელი გადაწყვეტილებით დასრულდა 11 წლიანი უკანონო პატიმრობა, რომლის საფუძველი იყო ენერგეტიკის სექტორში ჩემი საქმიანობა და სააკაშვილის რეჟიმი“, - ამის შესახებ ჟურნალისტებს თელასის ფინანსური დირექტორის მკვლელობაში ბრალდებულმა გია გვიჩიანმა სასამართლო დარბაზიდან გათავისუფლების შემდეგ განუცხადა.

გვიჩიანი მზადაა, უახლოეს პერიოდში მის მიმართ არსებულ ყველა კითხვას უპასუხოს.

ამასთან, გვიჩიანი უსაფუძვლოს უწოდებს დაზარალებულის ოჯახის წევრების განცხადებებს, რომ მის წინააღმდეგ კონკრეტული მტკიცებულებები არსებობდა.

„იყო ორი დაპატიმრება ჩემი, პირველი დაპატიმრება სამ დღიანი იყო, ხოლო მეორედ სამუდამო პატიმრობა მომისაჯეს. მეორე დაპატიმრება განხორციელდა სანდრო გირგვლიანის მკვლელობის საქმის არასწორი გამოძიების გადასაფარად,“-ამბობს გია გვიჩიანი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან