2017-02-19 17:38:33, 2055 ნახვა
პოლიტიკა
შალვა შავგულიძე „თავისუფალი დემოკრატების“ თავმჯდომარედ აირჩიეს
„თავისუფალი დემოკრატებმა“ რიგით მეხუთე, რიგგარეშე ყრილობა გამართეს, სადაც პარტიის თავმჯდომარედ შალვა შავგულიძე აირჩიეს.
შავგულიძემ პარტიის სამომავლო გეგმებზე ისაუბრა. როგორც მან
აღნიშნა, პარტიის პოლიტიკური კურსი არ შეიცვლება.
მისივე თქმით, ისინი თვითმმართველობის არჩევნებისთვის აქტიურად ემზადებიან.
დღევანდელ ყრილობაზე პარტიის გენერალური მდივნის თანამდებობაზე აირჩიეს თამარ კეკენაძე, პოლიტიკური მდივნის თანამდებობაზე ნინო გოგუაძე, აღმასრულებელი მდივნის პოსტზე კი ლევან სამუშია.
პარტიის ყრილობას სტუმრის სტატუსით „თავისუფალი დემოკრატების“ ყოფილი თავმჯდომარე ირაკლი ალასანია დაესწრო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
