საქართველოს პრემიერ-მინისტრი გიორგი კვირიკაშვილი გაერო-ს გენერალურ მდივანს ანტონიო გუტიერესს შეხვდა. ამის შესახებ მთავრობის ადმინისტრაციის განცხადებაშია აღნიშნული.

როგორც განცხადებაში წერია, საუბრის ძირითადი თემები ორმხრივი თანამშრომლობა და საქართველოს ოკუპირებულ ტერიტორიებზე არსებული ვითარება იყო. 

უწყების ინფორმაციით, პრემიერ-მინისტრმა გაერო-ს გენერალურ მდივანს საოკუპაციო ხაზთან არსებულ მძიმე ვითარებასა და ოკუპირებულ ტერიტორიებზე ადამიანის უფლებების დარღვევის ფაქტებზე მიაწოდა ინფორმაცია. 

„გიორგი კვირიკაშვილმა იმედი გამოთქვა, რომ ანტონიო გუტიერესის ხელმძღვანელობით, გაერო კიდევ უფრო აქტიურ როლს შეასრულებს კონფლიქტების მშვიდობიანი გზით მოგვარების პროცესში. პრემიერმა ასევე ისაუბრა საქართველოს მთავრობის მხრიდან განხორციელებულ ნაბიჯებზე, რომლებიც კონფლიქტურ რეგიონებში მოსახლეობას შორის ნდობის აღდგენას ისახავს მიზნად. ხაზი გაესვა გაერო-ს როლს ჟენევის საერთაშორისო დისკუსიებსა და გალის ინციდენტების პრევენციისა და მათზე რეაგირების მექანიზმის შეხვედრების ფორმატებში. საქართველოს პრემიერ-მინისტრმა კიდევ ერთელ დაგმო ცხინვალის რეგიონში დაგეგმილი ე.წ რეფერენდუმი და რუსეთის ფედერაციის პროვოკაციული ქმედებების წინააღმდეგ საერთაშორისო თანამეგობრობის ერთიანი ძალისხმევის აუცილებლობაზე ისაუბრა. 

პრემიერ-მინისტრმა გაერო-ს გენერალური მდივანი საქართველოში მიიწვია. ანტონიო გუტიერესმა მზადყოფნა გამოთქვა, პირველივე შესაძლებლობის შემთხვევაში ეწვიოს საქართველოს“, - ნათქვამია განცხადებაში. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს

Global Finance-მა BOG 2026 წლის საუკეთესო Sub-Custodian ბანკად დაასახელა ქვეყანაში

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე