ჰააგის სისხლის სამართლის საერთაშორისო სასამართლოს პროკურორის ფატუ ბენსუდას განცხადებით, საქართველოს საქმეზე გამოძიება სრული სისწრაფით მიმდინარეობს.

ამის შესახებ პროკურორმა საქართველოს პრემიერ-მინისტრთან, გიორგი კვირიკაშვილთან შეხვედრის დასრულების შემდეგ ქართველ ჟურნალისტებს განუცხადა. 

როგორც ბენსუდამ აღნიშნა, გიორგი კვირიკაშვილთან საკმაოდ ვრცელი დისკუსია გაიმართა, სადაც, ბუნებრივია, 2008 წლის რუსეთ-საქართველოს ომის გამოძიებაზე ისაუბრეს.  

"ძალიან ვრცელი დისკუსია მქონდა პრემიერ-მინისტრთან, როგორც ყოველთვის საუბარი შეეხო საქართველოს და იმ გამოძიებას, რომელიც, როგორც იცით, უკვე დაწყებულია. ჩვენგან იყო თხოვნა, რომ შესრულდეს ის შეთანხმება, რომელიც გულისხმობს ჩემს ოფისთან თანამშრომლობას და მე მან დამარწმუნა, რომ ეს შეთანხმება გაგრძელდება და საქართველო ითანამშრომლებს გამოძიების პროცესში. გამოძიება სრული სისწრაფით მიმდინარეობს, ჩვენი ჯგუფი აპირებს საქართველოში ჩამოსვლას", - განაცხადა ფატუ ბენსუდამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო