ჭყონდიდის მიტროპოლიტ მეუფე პეტრეს განცხადებით, იაკობი პატრიოტი ადამიანია, მაგრამ ის იმ ინტრიგის შემადგენელი ნაწილია, რომელიც პატრიარქის წინააღმდეგ აგორდა.

„მეუფე იაკობი ყაზბეგში ჩემი მოღვაწეობისას პატრიარქის კურთხევით წლების განმავლობაში სოფელ სნოში გადიოდა მორჩილებას ჩემს ხელში. მე ვამზადებდი მას ბერად. აქედან გამომდინარე, იმედია გონს მოეგება და კარგად დაფიქრდება, რა არის მთავარი ქვეყნის და ეკლესიისთვის. მე ვიღებ პასუხისმგებლობას მეუფე იაკობის ბერად მომზადებაზე, მაგრამ არ ვიღებ პასუხისმგებლობას მის მღვდელთმთავრობაზე“, - განაცხადა მეუფე პეტრემ.

როგორც მეუფე პეტრემ აღნიშნა, ის "ოქროს თევზებში" მხოლოდ მეუფე იაკობს არ გულისხმობდა. ჭყონდიდელი მიტროპოლიტისი განმარტებით, როდესაც საპატრიარქოს დელეგაცია ბერლინიდან ჩამოვა, მღვდელმთავრები შეკრიბებიან და ერთად, ცივი გონებით მიიღებენ გადაწყვეტილებას.

 „მე, ხშირად მეუბნებიან, როცა სიმათლეს ამბობ, ცხენი უნდა გყავდეს შეკაზმული გასაქცევად. არსად გაქცევას არ ვაპირებ, თუ ღმერთი დაუშვებს,  ჩემი გვამისთვის ადგილი მარტვილის მონასტრის ეზოში მაქვს გამზადებული.ხოლო ჩემი სული ღმერთის სამართლისთვის მიმინდვია“, - დასძინა მეიფე პეტრემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო