ვერავინ დამარწმუნებს იმაში, რომ შორენას [თეთრუაშვილს] არ აქვს გავლენა, - ამის შესახებ მამა ანდრიამ გადაცემა "არჩევანის" პირდაპირ ეთერში სატელეფონო ჩართვისას განაცხადა.

 მისი განცხადებით, მამა შალვამ პირდაპირ ეთერში მეუფე პეტრეს ცილი დასწამა. მისივე თქმით, "თითქოს დაკვეთილ საკითხებზე პასუხებს ვღებულობთ იმის ნაცვლად, რომ სიმართლე ვთქვათ".

როგორც მან აღნიშნა, რომ მდივან-რეფერანტ შორენა თეთრუაშვილს ძალიან ბევრი მაღალი იერარქიის სასულიერო პირი ემორჩილება. ის აღნიშნავს, რომ სასულიერო აკადემიაში სტუდენტებს უამრავი პრობლემა ჰქონდათ და არცერთი სასულიერო პირისგან დახმარება არ მიუღიათ. ბოლოს კი მათ შორენა თეთრუაშვილთან მოუწიათ შეხვედრა, სადაც მდივან-რეფერანტმა საკუთარი ძალაუფლების შესახებ აცნობა.

„მე შორენა თეთრუაშვილის სიტყვებს ვიმეორებ - ჩემს დავალებებს ზედმიწევნით ასრულებს პროტოპრესვიტერი გიორგი ზვიადაძე,“ - აცხადებს მამა ანდრია.

მან ასევე აღნიშნა, რომ მამა შალვა მამა გიორგი ზვიადაძის სულიერი შვილია და მის სურვილებს ზედმიწევნით ასრულებს.

„შესაძლოა ეკლესიის სახელით საუბრობს, მაგრამ სინამდვილეში მამა გიორგის სახელით საუბრობს... სასულიერო პირზე არ მომერიდება ხელქვეითი ვთქვა, როდესაც თვით ეპისკოპოსზე ასეთ სიცრუეს და ცილისწამებას ამბობს,“ - განაცხადა მამა ანდრიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკის მხარდაჭერით წინანდლის მამულში რიგით მეოთხე ღვინის სიმპოზიუმი გაიმართა

არ გაჩერების კულტურა კალათბურთში - საქართველოს ბანკი კალათბურთის ეროვნული ნაკრების გენერალური სპონსორია

AI სტიპენდია გოგოებისთვის - გახდი საქართველოს ბანკის სტიპენდიატი და ისწავლე ხელოვნური ინტელექტი 10 პროფესიულ აკადემიაში სრული დაფინანსებით

ყველა კითხვას გავცემ პასუხს, თუ ასეთი იქნება, ჯერჯერობით არ მოუმართავთ - თურნავა ყეინიშვილის საქმეზე