საპარლამენტო უმრავლესობის წევრის მამუკა მდინარაძის განცხადებით, მაჟორატარული საარჩევნო სისტემიდან პროპორციულ სისტემაზე გადასვლა, თუმცა აღნიშნულ საკითხთან  დაკავშირებით  გუნდში აზრთა სხვადასხვაობაა.

მდინარაძის განმარტებით, საკონსტიტუციო კომისია სწორედ იმისთვის შეიქმნა, რომ აზრთა სხვადასხვაობის ფონზე კომისიის წევრები ყველაზე ოპტიმალურ ვარიანტზე შეჯერდნენ.

„ვფიქრობ, რომ შესაძლებელია მაჟორიტარული სისტემიდან პროპორციულ სისტემაზე გადასვლა, გუნდში ამ საკითხთან დაკავშირებით არის აზრთა სხვადასხვაობა ისე როგორც საზოგადოებაში და პოლიტიკურ წრეებში. ჩვენ იმისთვის შევქმენით კომისია, რომ აზრთა სხვადასხვაობიდან გამომდინარე შევჯერდეთ ყველაზე ოპტიმალურ და ქვეყნისთვის სასიკეთო ვარიანტზე“,-განაცხადა მდინარაძემ.

რაც შეეხება საარჩევნო ბლოკების გაუქმებას, მდინარაძის თქმით, აღნიშნულ საკითხში ძალიან ბევრი პოზიტივია და ეს პარტიების განვითარებას შეუწყობს ხელს.

 „ვიცით, რომ საქართველოში პარტიები მარტივად არ ვითარდებიან. ამიტომ ბლოკების გაუქმება პარტიების განვითარებას შეუწყობს ხელს. ორივე ვერსიას დავაყენებთ კომისიის სხდომაზე, საბოლოო ჯამში ვფიქრობ,  რომ შესაძლებელია დარჩეს ისე, როგორც ვიმსჯელეთ  ანუ ვიცით, უმრავლესობამ მხარი დაუჭირა იმას, რომ პარტიები იყოს მხოლოდ შესული და ბლოკები არა.  ორივე აზრი გასათვალისწინებელია.  შესაბამისად აღნიშნულ საკითხს კომისიის სხდომაზე განვიხილავთ“,-დასძინა მდინარაძემ. 

ცნობისთვის, პარლამენტში საკონსტიტუციო კომისიის  მორიგე სხდომა მიმდინარეობს. სხდომას საპარალამენტო უმრავლესობის, უმცირესობის და ასევე არასამთავრობო სექტორის წარმომადგენლები ესწრებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს

Global Finance-მა BOG 2026 წლის საუკეთესო Sub-Custodian ბანკად დაასახელა ქვეყანაში

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე