აჭარის მთავრობის თავმჯდომარემ ზურაბ პატარაძემ 2 ეკომიგრანტ ოჯახს ქედის სოციალურ სახლში საცხოვრებელი ბინები გადასცა. ღონისძიებას აჭარის ჯანმრთელობისა და სოციალური დაცვის მინისტრი ზაალ მიქელაძე და ქედის მუნიციპალიტეტის გამგებელი დავით დუმბაძე ესწრებოდნენ. ამის შესახებ "ექსპრენიუსს" აჭარის მთავრობიდან აცნობეს.

მათი ცნობით, ბინები შერეული სამთავრობო კომისიის გადაწყვეტილებით იქნა გადაცემული. ოჯახები პირველი კატეგორიის ეკომიგრანტებს მიეკუთვნებიან. აღნიშნულ ოჯახებზე საცხოვრებელის გადაცემით ქედის მუნიციპალიტეტში პირველი კატეგორიის ოჯახების დაკმაყოფილება დასრულდა.

ზურაბ პატარაძემ ქედის სოფელ კუჭულაში მცხოვრებ სოციალურად დაუცველ ოჯახს სარეცხი მანქანა გადასცა საჩუქრად. გორგაძეების 11 წევრიან ოჯახს საცხოვრებელი სახლი შემოდგომაზე დაეწვა. ხანძრით დაზარალებულებმა დეკემბრის თვეში მთავრობისაგან 10 000 ლარის დახმარება მიიღეს.

ბოლო 4 წლის განმავლობაში ქედაში 100-ზე მეტი ოჯახი დაკმაყოფილდა საცხოვრებელი ფართით.
ქედაში პირველ ეტაპზე 52 ეკომიგრანტს ოჯახს გადაეცა საცხოვრებელი ბინა, მეორე ეტაპზე 12 ოჯახი დაკმაყოფილდა.

"სტიქიით დაზარალებულ ლევან სალაძეს კოლოტაურში აუშენდა სახლი. 31 ოჯახი ,,ბინის მაძიებელთა" სახალმწიფო პროგრამაში უკვე ჩართულია. ამ ეტაპისთვის მიმდინარეობს დოკუმენტაციის მომზადება კიდევ 9 ოჯახზე. ასევე მუნიციპალიტეტი ყოველწლიურად ახორციელებს მეწყერსაწინააღმდეგო პრევენციულ ღონისძიებებს, რომელმაც შედეგი უკვე გამოიღო. სამომავლოდ, თვითმმართველობა აქტიურად მუშაობს სოციალური სახლის მშენებლობის პროექტზეც", - აცხადებენ აჭარის მთავრობის ადმინისტრაციაში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება