„ის რასაც ოპონენტების ნაწილი გვთავაზობს, ნამდვილად ვერ დაიცავს ჩვენი მოქალაქეების ინტერესებს და უსაფრთხოებას“,-ამის შესახებ საპარლამენტო უმრავლესობის ლიდერმა არჩილ თალაკვაძემ პლენარულ სხდომაზე „მოსმენების კანონპროექტთან დაკავშირებით განაცხადა. 

როგორც თალაკვაძემ აღნიშნა, აღნიშნულ კანონპროექტთან დაკავშირებით საჭიროა კლასიკური და მართებული გადაწყვეტილების მიღება. 

„რაც არ უნდა ცადოთ რომ ამ ძირითად ხაზს გადაგვახვევინოთ, ჩვენი მოვალეობა მაინც არის ადამიანის სიცოცხლის და უსაფრთხოების დაცვა. ჩვენ როდესაც ვფიქრობთ, თუ როგორი მოდელი გვჭირდება, პირველ რიგში ამაზე ვფიქრობთ. ჩვენი მოქალაქეების და მათი ოჯახების უსაფრთხოება, რომ მნიშვნელოვანია, სწორედ ამიტომ ვიღებთ გადაწყვეტილებებს, რომელმაც  არ უნდა შეასუსტოს ეს სისტემა. ეს არის ხელისუფლების ამოცანა და გადაწყვეტილებებს ამ შემთხვევაში ხელისუფლება იღებს და არა სხვა დაინტერესებული რომელიმე მხარე. 

ის რასაც ოპონენტების ნაწილი გვთავაზობთ,ნამდვილად ვერ დაიცავს ჩვენი მოქალაქეების ინტერესებს და უსაფრთხოებას. პირდაპირ გეტყვით, რასაც ითხოვენ ეს არის ამ ფუნქციის ფარული საგამოძიებო მოქმედებების ფუნქციის პრაქტიკულად პრივატიზაციაზე გატანა. 

ნუ დაგვავიწყდება, რომ ეს არ არის საბაზრო ეკონომიკა. ეს არ არის რომელიმე კერძო სექტორის რეფორმა. ეს არის უსაფრთხოების სისტემა, სადაც  კრეატიულობა ნაკლებად არის საჭირო. ამიტომ ჩვენ უნდა მივიღოთ კლასიკური და მართებული გადაწყვეტილება. მით უმეტეს როცა რეგიონი და მსოფლიო დღეს არის სავსე რისკებით. ჩვენ ამ ფონზე ექსპერიმენტები არ უნდა ჩავატაროთ საკუთარი უსაფრთხოების დაცვის შესაძლებლობაზე და სისტემაზე“,-განაცხადა თალაკვაძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება