პარლამენტის ვიცე-სპიკერის, ირმა ინაშვილის განცხადებით, "პატრიოტთა ალიანსი" ე.წ მოსმენებთან დაკავშირებით შესაბამისი სააგენტოს ჩამოყალიბებას და მის დამოუკიდებლობას მხარს უჭერს.

როგორც ინაშვილმა პარლამენტის სხდომაზე სიტყვით გამოსვლისას განაცხადა, უნდა შეიქმნას კიბერუსაფრთხოების სამსახური, რომლის კომპეტენციიში უნდა შედიოდეს, მესამე პირების მხრიდან ორგანიზებული უკანონო მოსმენების აღკვეთა.  

"ძალიან კარგად მესმის სულისკვეთება და განწყობა უმრავლესობის მხრიდან და ოპოზიციის მხრიდანაც. ჩვენი გუნდი მომხრეა, რომ ეს სტრუქტურა, ეს სააგენტო იყოს დამოუკიდებელი. თუ დაზვერვის სამსახური არის დამოუკიდებელი სტრუქტურა და ექვემდებარება პრემიერს, ანალოგიურ რეჟიმშიც ეს სააგენტო დამოუკიდებელი უნდა იყოს. არანაირად არ იყოს სუს-ის დაქვემდებარებაში. მიგვაჩნია, რომ ქვეყანაში უნდა შეიქმნას კიბერუსაფრთხოების სამსახური, რომელსაც მარტო ის კომპეტენცია არ ექნება, რომ მოისმინოს. ახლა ვსაუბრობთ, მოსმენების იმ ნაწილზე, რომელიც ქვეყნის უსაფრთხოებასთან არის კავშირში და არა იმ მოსმენებზე, რასაც "ნაციონალუი მოძრაობა" უკანონოდ აცორხიელებდა. პლუს ამ კიბერუსაფრთხოების კომპეტენციიში უნდა შედიოდეს, მესამე პირების მხრიდან ორგანიზებული უკანონო მოსმენების აღკვეთა იგივე ანტიმოსმენა. სააგენტოს ხელმძღვანელს პრემიერის წარდგინებით უნდა ამტკიცებდეს პარლამენტი. ორი შტოდან უნდა ჰქონდეს კონტროლი. კარგია, რომ წარმოდგენილ კანონპროექტზე პარლამენტის მხრიდან კონტროლის ბერკეტი არსებობს. მაგრამ, უნდა იყოს ცალკე კოლეგიალური საბჭო შექმნილი, სასამართლოს, პროკურატურის, უშიშროების საბჭოს, ომბუდსმენის წარმომადგენლებით დაკომპლექტებული. მთელი ღამის განმავლობაში ვფიქრობდი სად არის ეს გასაღები?! ის გასაღები, რომელიც ერთის მხრივ უზრუნველყოფს ქვეყნის უსაფრთხოებას და მეორეს მხრივ ადამიანის უფლებებს დაიცავს. დღეს ქვეყანას აკლია სახელმწიფოებრივად მოაზროვნე მოხელეები, რომლებსაც მარტო კანონი კი არ აუკრძალავს, არამედ ამ სააგენტოს ხელმძღვანელს მორალური კრედოს პრინციპები,  არ მისცემს იმის საშუალებას, რომ შევიდეს ტკბობაში. არ გააკეთებს იმიტომ, რომ არის სახელმწიფოებრივად მოაზროვნე კაცი და ვწუხვარ, რომ ამ დარბაზში ასეთს ვერავის ვხედავ ან ცოტას თუ ვნახავ ეგეთს. ჩვენ როდესაც ვამბობთ, რომ პრემიერი უნდა აკეთებდეს წარდგინებას აქ პოლიტიკურ პასუხისმგებლობაზეც ვსაუბრობთ", - განაცხადა ინაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება