მომხდარი ფაქტი არის სახიფათო პრეცედენტი, საგანგაშო სიგნალი, რომელიც საფრთხეს უქმნის საზოგადოებრივი მაუწყებლის შემდგომ ნორმალურ ფუნქციონირებას, - ასე აფასებს საზოგადოებრივი მაუწყებლის აღმასრულებელი საბჭო ტელევიზიასთან გამართულ საპროტესტო აქციას და შემდგომ, აქციის მონაწილეების შენობაში შეჭრას.

როგორც აღმასრულებელი საბჭოს განცხადებაშია აღნიშნული, აქციის მონაწილეები ნებართვის გარეშე შეიჭრნენ მაუწყებლის ფოიეში და ძალადობრივი გზით გავიდნენ პირდაპირ ეთერში. საბჭო მოუწოდებს პოლიტიკოსებს, მედიის ექსპერტებს, არასამთავრობო ორგანიზაციების წარმომადგენლებს, ჟურნალისტებს, მოქალაქეებს "ნუ წაახალისებენ ძალადობას და გაემიჯნონ აგრესიულ ქმედებებს".

"9 თებერვალს საზოგადოებრივი მაუწყებლის მიმდებარე ტერიტორიაზე გამართული აქციის მონაწილეები ნებართვის გარეშე შემოიჭრნენ მაუწყებლის ფოიეში და ძალადობრივი გზით გავიდნენ პირდაპირ ეთერში. ამ ფაქტს ვაფასებთ ჟურნალისტურ საქმიანობაში ხელის შეშლად და საზოგადოებრივი მაუწყებლის საქმიანობის უხეშ ხელყოფად. ძალადობრივ ქმედებაზე პასუხისმგებლობა ეკისრებათ აქციის ორგანიზატორებს და მონაწილეებს. 

მომხდარი ფაქტი არის სახიფათო პრეცედენტი, საგანგაშო სიგნალი, რომელიც საფრთხეს უქმნის საზოგადოებრივი მაუწყებლის შემდგომ ნორმალურ ფუნქციონირებას. მიგვაჩნია, რომ საზოგადოებრივი მაუწყებლის შენობაში და პირდაპირ ეთერში შეჭრის ფაქტი უნდა გახდეს საზოგადოების მხრიდან აქტიური მსჯელობის საგანი, რათა ადეკვატურად გავაცნობიეროთ მომხდარის მნიშვნელობა და თავიდან ავიცილოთ შემდგომი გართულებები. 

მოვუწოდებთ პოლიტიკოსებს, მედიის ექსპერტებს, არასამთავრობო ორგანიზაციების წარმომადგენლებს, ჟურნალისტებს, მოქალაქეებს ნუ წაახალისებენ ძალადობას და გაემიჯნონ აგრესიულ ქმედებებს", - ნათქვამია განცხადებაში.

ცნობისთვის, საზოგადოებრივი მაუწყებლის შენობასთან ტელევიზიის მხარდამჭერი საპროტესტო აქცია გაიმართა. მოგვიანებით, აქციის მონაწილეთა ნაწილი ტელევიზიის შენობაში შეიჭრა და საეთერო დროის დათმობა მოითხოვა, რაზეც ტელეკომპანია დათანხმა. აქციაზე იმყოფებოდნენ მედიაექსპერტები, არასამთავრობო ორგანიზაციის წარმომადგენლები, ორგანიზაცია "მწვანე მუშტის" და "აუდიტორია 115"-ის წევრები, ასევე რუსთავის აზოტის ქარხნიდან, "ბიბლუსიდან" და "ფრესკოდან" გათავისუფლებული თანამშრომლებიც. აქცია 1 საათს გაგრძელდა, დასასრულს "აუდიტორია 115"-ის წევრმა ხვალინდელი მსვლელობა დაანონსა, რომელიც თავისუფლების მოედანზე, 17:00 საათზე დაიწყება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება