„ნაციონალური მოძრაობის“ პოლიტსაბჭოს თავმჯდომარე ნიკა მელია საზოგადოებას ტელეკომპანია „რუსთავი 2“-ის საქმის მოსამართლეების დასაცავად გაერთიანებისკენ მოუწოდებს.

როგორც მელიამ საგანგებო ბრიფინგზე განაცხადა, ეს პირველი შემთხვევაა, როდესაც მოსამართლეები მანკიერ სისტემაზე ღიად საუბრობენ

"ეს ნათლად ცხადყოფს, რომ ხელისუფლება ყოველგვარ ზღვარს გადავიდა. ივანიშვილის ხელისუფლება ცდილობს, სახელმწიფო გააუქმოს და ყოველივე ამის შემხედვარე, დუმილი დაუშვებელია. ყველა პროფესიულ ჯგუფს, პოლიტიკურ გაერთიანებას, საზოგადოებას მოვუწოდებ, რომ გავერთიანდეთ. მოსამართლეების დასაცავად კონსოლიდაციაა საჭირო“, - განაცხადა მელიამ.

ამასთან, ნიკა მელია სახელმწიფო უსაფრთხოების სამსახურის ხელმძღვანელის ვახტანგ გომელაურის გადადგომას ითხოვს.

„კატეგორიული მოთხოვნა გვაქვს, ბატონი გომელაური, სახელმწიფო უსაფრთხოების სამსახურის უფროსი დაკავებული თანამდებობიდან უნდა გადადგეს, ვინაიდან, უკვე ნათლად არის ის მოცემულობა, როდესაც ის მხოლოდ და მხოლოდ ივანიშვილის პოლიტიკური ინსტრუმენტია. ამიტომ, გომელაურს უფლება არ აქვს იმ უწყების ხელმძღვანელი იყოს, რომელიც მოსმართლეებზე ღია ზეწოლას ახორციელებს“, - აღნიშნა ნიკა მელიამ.

გარდა ამისა, "ნაციონალური მოძრაობის" წევრმა პრეზიდენტს მიმართა და მისი კონსტიტუციური ვალდებულებების ფარგლებში, მიუკერძოებელი მოსამართლეების უფლებების დაცვისკენ მოუწოდა.

შეგახსეენბთ, რომ უზენაესი სასამართლოს მოსამართლეები, ბესარიონ ალავიძე და პაატა ქათამაძე, რომლებიც „რუსთავი 2“-ის საქმეს განიხილავდნენ, მათ საქმიანობაში ჩარევის შესაძლო ფაქტზე გამოძიების დაწყების მოთხოვნით პროკურატურას მიმართეს. აღნიშნულ ფაქტთან დაკავშირებით გამოძიება 14 იანვარს დაიწყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ამსტერდამში ისრაელის პოლიტიკის წინააღმდეგ 200 ათასამდე ადამიანი გამოვიდა

უკრაინამ სანქტ-პეტერბურგთან ახლოს რუსეთის ერთ-ერთ უდიდეს ნავთობგადამამუშავებელ ქარხანას დაარტყა

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა