უგულავას ინფორმაციით, „ევროპული საქართველოს“ ყრილობა აპრილში ან მაისის დასაწყისში გაიმართება

2017-01-30 13:30:10, 1803 ნახვა

პოლიტიკა კომენტარი

„ევროპული საქართველოს“ ერთ-ერთი ლიდერის გიგი უგულავას განცხადებით, პარტიის ყრილობა აპრილის ბოლოს ან მაისის დასაწყისში გაიმართება.

როგორც უგულავამ აღნიშნა, ახალი პოლიტიკური მოძრაობა ადგილობრივი არჩევნებში აქტიურ მონაწილეობას მიიღებს. მისივე თქმით, გუნდში უკვე აქტიური კონსულტაციები მიმდინარეობს მერობის კანდიდატთან დაკავშირებით.

გარდა ამისა, უგულავას ინფორმაციით, ყველა ძირითად ქალაქში ახალ პოლიტიკურ მოძრაობას, კანდიდატები ეყოლება.

„ის გამოწვევები, რაც არის ეკონომიკასთან და ლარის კურსთან დაკავშირებით, მთავრობის მიერ შემუშავებული პროგრამა უკურეაქციას გამოიწვევს და თითოეული ადამიანი ერთ წელიწადში ამის ნეგატიურ ეფექტს იგრძნობს. შესაძლოა, პოლიტიკის მძევალი დარჩეს ეკონომიკა“,- განაცხადა გიგი უგულავამ და დასძინა, რომ ერთ -ერთი პოლიტიკური ძალა, რომელსაც შეუძლია მწვავე ოპონირება გაუწიოს „ქართულ ოცნებას“, ახალი პოლიტიკური მოძრაობა იქნება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან