„ახალგაზრდა იურისტთა ასოციაციის“ თავმჯდომარე ანა ნაცვლიშვილის განცხადებით, დღეს პრეზიდენტს აქვს საკმაოდ შეზღუდული უფლებამოსილებები და დამატებითი შეზღუდვის კონკრეტული დასაბუთება მას არ მოუსმენია.

როგორც ნაცვლიშვილმა ჟურნალისტებს პრეზიდენტის, მთავრობისა და თავდაცვის საკითხთა სამუშაო ჯგუფის სხდომის დაწყებამდე განუცხადა, პრეზიდენტის უფლებამოსილებებთან დაკავშირებით კონსტიტუცია ნათელ პასუხს უნდა იძლეოდეს.

„ერთადერთი საკითხი რაზეც ჩვენ გვაქვს პოზიცია პრეზიდენტის უფლებამოსილებებთან დაკავშირებით, ეს არის საგარეო ურთიერთობებში დაზუსტება, ვინ რაზეა პასუხისმგებელი და ვის რა უფლება აქვს, რომ კონსტიტუცია ამაზე ნათელ პასუხს იძლეოდეს და არ იქმნებოდეს გაურკვევლობები. აქ არის საჭირო გარკვეული სიცხადის შეტანა. თუმცა ეს არ ნიშნავს, რომ შეიკვეცება არსებითად პრეზიდენტის უფლებები. აქ უბრალოდ საქმე გვექნება დაზუსტებებსაა და სიცხადესთან“, - აღნიშნა ნაცვლიშვილმა.

რაც შეეხება პრეზიდენტის არჩევის წესს, იურისტის თქმით, თუ საუბარია წესის ცვლილებაზე მას მყარი დასაბუთება სჭირდება.

„ჩვენი პოზიცია, არის რომ პრეზიდენტის არჩევა პირდაპირი გზით არის სწორი და მისაღები, თუმცა თუ ვინმეს აქვს მძაფრი სურვილი, რომ ეს შეიცვალოს მაშინ ამას თან უნდა ახლდეს ძალიან არგუმენტირებული დასაბუთება და ეს არ უნდა იყოს მიმართული 2018 წლის საპრეზიდენტო არჩევნებისთვის, იმიტომ რომ ეს ნამდვილად დატოვებს შთაბეჭდილებას, რომ კიდევ ერთხელ ამ ქვეყანაში კონსტიტუცია კონკრეტულ საჭიროებებს მოერგება“, - განაცხადა ანა ნაცვლიშვილმა.

ცნობისთვის, საქართველოს პარლამენტში პრეზიდენტის, მთავრობისა და თავდაცვის საკითხთა სამუშაო ჯგუფის სხდომა მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს