აშშ-ის პრეზიდენტ დონალდ ტრამპსა და დიდი ბრიტანეთის პრემიერ-მინისტრ ტერეზა მეის შორის შეხვედრა მიმდინარეობს. ტერეზა მეი პირველი ევროპელი ლიდერია, რომელსაც დონალდ ტრამპი პრეზიდენტის რანგში თეთრ სახლში მასპინძლობს.

როგორც ცნობილია, შეხვედრის მთავარი თემა ბრიტანეთისა და შეერთებული შტატების სავაჭრო ურთიერთობები და გლობალური გამოწვევებია. 

ტერეზა მეის თეთრ სახლში სტუმრობას ინციდენტის გარეშე არ ჩაუვლია. ბრიტანელი ჟურნალისტები, რომლებიც დიდი ბრიტანეთის პრემიერ-მინისტრ ტერეზა მეის აშშ-ში ვიზიტისას ახლავს, თეთრ სახლში არ შეუშვეს. 

როგორც "ბი-ბი-სი" იუწყება, ამის მიზეზი შტატებში არსებული ადამიანის დაბადების თარიღის შევსების განსხვავებული ფორმატია, სადაც ევროპისგან განსხვავებით, ჯერ თვე, შემდეგ კი დაბადების რიცხვი და წელი იწერება.

შეგახსენებთ, ხვალ, დონალდ ტრამპი ევროპის სხვა ლიდერებს ტელეფონით გაესაუბრება. მათ შორის იქნებიან გერმანიის კანცლერი ანგელა მერკელი და ფრანსუა ოლანდი. ცნობილია, რომ ხვალ სატელეფონო საუბარი შედგება შეერთებული შტატებისა და რუსეთის პრეზიდენტებს შორის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს