ლევან ვარშალომიძემ აჭარის უმაღლესი საბჭო დატოვა

2017-01-27 16:09:17, 1466 ნახვა

პოლიტიკა

"ნაციონალური მოძრაობის" წევრმა ლევან ვარშალომიძემ აჭარის უმაღლეს საბჭოში დეპუტატის მანდატზე დღეს ოფიციალურად უარი თქვა. შესაბამის განცხადებას პოლიტიკოსმა საგანგებო ბრიფინგზე მოაწერა ხელი.

როგორც ვარშალომიძემ აღნიშნა, დიპლომატიურ პასპორტს განცხადებასთან ერთად უმაღლეს საბჭოს დღესვე გაუგზავნის, თუმცა რეგიონში დარჩება და მოსახლეობის ინტერესების დაცვას გააგრძელებს.

ცნობისთვის, ლევან ვარშალომიძემ დეპუტატის მანდატის შეჩერების სურვილი არჩევნების დასრულებისთანავე საჯაროდ გამოთქვა. თუმცა ამ დრომდე, ოფიციალური განცხადებით მიუმართაობის მიზეზად საზღვარგარეთ მივლინება დასახელდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან