ტექნოპარკში, საქართველოს ეკონომიკისა და მდგრადი განვითარების სამინისტროს „ინოვაციების და ტექნოლოგიების სააგენტოსა“ და „ნატოსა და ევროკავშირის შესახებ საინფორმაციო ცენტრს“ შორის ურთიერთანამშრომლობის მემორანდუმი გაფორმდა. 

ინოვაციებისა და ტექნოლოგიების სააგენტოს ინფორმაციით, აღნიშნულის საფუძველზე, ერთობლივი პროექტების განხორციელებით, მხარეები უზრუნველყოფენ ნატოსა და ევროკავშირში საქართველოს ინტეგრაციის საკითხებზე მოსახლეობის ინფორმირებულობას და აღნიშნული სტრუქტურების შესახებ  ცნობადობის გაზრდას. 

ღონისძიებაზე საინფორმაციო ცენტრის ბენეფიციარმა ახალგაზრდებმა, აგვისტოს ომში დაღუპულ  და დაჭრილ ჯარისკაცთა შვილებმა, ტექნოპარკი დაათვალიერეს. 

მათ  სამრეწველო ინოვაციების ლაბორატორიის მაღალტექნოლოგიური დაზგა-დანადგარები გააცნეს,  რათა  იმ შესაძლებლობების შესახებ იცოდნენ, რომლებიც მომავალში შესაძლოა გამოადგეთ საკუთარი სტარტაპების ჩამოყალიბებასა და განვითარებისთვის გამოადგეთ. 

ასევე, კომპანია „ტაქსიფაი“-ს ინიციატივითა და ფინანსური მხარდაჭერით, ინოვაციების სააგენტოსა და ნატოსა და ევროკავშირის შესახებ საინფორმაციო ცენტრის მიერ, იგეგმება აღნიშნული ახალგაზრდებისთვის სხვადასხვა ტრენინგები და კონსულტაციები.  

ცნობისთვის, აღნიშნული მემორანდუმის მიზანია, საქართველოს მოსახლეობის ჩართულობა იმ სტრატეგიულად მნიშვნელოვან საკითხში, რასაც ნატოსა და ევროკავშირში ჩვენი ქვეყნის ინტეგრაცია ჰქვია. სწორედ ამ ურთიერთთანამშრომლობის საფუძველზე საინფორმაციო ცენტრი ჩაატარებს არაერთ ღონისძიებას: სემინარებს, გამოფენებსა თუ კონფერენციებს, რომელთა წარმატებით განხორციელებაში მათ ინოვაციების და ტექნოლოგიების სააგენტო დაეხმარება.   

მნიშველოვანია, მოსახლეობა უკეთ გაეცნოს აღნიშნულ საკითხებში, რათა გაცნობიერებულად დაუჭირონ მხარი ევროპულ და ევროატლანტიკურ ინტეგრაციას. 

აღსანიშნავია, რომ „ნატოსა და ევროკავშირის შესახებ“  საინფორმაციო ცენტრი  ასევე, ერთვება  ინოვაციების სააგენტოს პროექტში - „სტარტაპ მეგობრული“, რომლის ფარგლებშიც ის  სტარტაპებს ისეთ სერვისებს შესთავაზებს, როგორებიცაა სივრცის დათმობა და საკონსულტაციო მომსახურება.  

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

CNN: დიმიტრიევმა ნიუ-იორკში ვიტკოფთან და კუშნერთან მოლაპარაკებები გამართა

კობახიძე Kordz-ის კონცერტის გაუქმებაზე -ლიბერალური ფაშიზმის წამახალისებელი აქტი

კობახიძე - - მართლა ერთგვარი სექტის სახე მიიღო იმ დაჯგუფებამ, რომელიც ყოველდღიურ რეჟიმში 20, 50, ხან მაქსიმუმ 150 კაცით აწყობს ხოლმე აქციებს

ლარსზე, რუსეთსა და საქართველოს შორის მიმოსვლა უსაფრთხოების განგაშის გამო დროებით შეჩერდა