„სახელმწიფომ დანაშაული ჩაიდინა და მისმა ქმედებამ ჩვენი ჯარისკაცი პატიმრობაში დატობა“,-ასე გამოეხმაურა  ფრაქცია „ევროპული საქართველოს“  თავმჯდომარე სერგო რატიანი ქართველი მებრძოლის გია ცერცვაძის პატიმრობაში წინასწარ დატოვებას.

რატიანის თქმით, პარადოქსულია ვითარება, როდესაც ოპოზიცია ყველაფერს  აკეთებს იმისთვის, რომ ჯარისკაცი გათავისუფლდეს.

,,პარადოქსული ვითარებაა, როდესაც ოპოზიცია, კერძოდ  ჩვენ, ყველაფერს ვაკეთებთ  ჩვენი ჯარისკაცის გასათავისუფლებლად, მეორეს მხრივ კი, სახელმწიფო არ ზრუნავს ამისთვის და არ უფრთხილდება იმას, რომ საკუთარი ჯარისკაცი მტერ ქვეყანას არ გადაეცეს.  სახელმწიფომ დანაშაული ჩაიდინა და მისმა ქმედებამ ჩვენი ჯარისკაცი პატიმრობაში დაუცველი დატოვა. ჩვენ ყველაფერს გავაკეთებთ იმისთვის, რომ გია ცერცვაძე გათავისუფლდეს, მაგრამ სახელმწიფოს ჩარევა არის უმნიშვნელოვანესი. პირდაპირი კავშირი უნდა იყოს უკრაინის მაღალი თანამდებობის პირებთან და  პროკურატურასთან. უკრაინის ხელისუფლებას უნდა ჰქონდეს ძალიან მკაფიო გზავნილი, რომ სახელმწიფო ზრუნავს და მოითხოვს ამ ადამიანის არგადაცემას და გათავისუფლებას, რაც არ არსებობს. როდესაც ჩვენ  ხელი მოვაწერეთ თავდებობის წერილს, იგივე არ გააკეთეს უმრავლესობის წარმომადგენლებმა. ეს ნიშნავს, რომ გია ცერცვაძის პატიმრობა  მათთვის პირველი რიგის საკითხიარ არის“,-განაცხადა სერგო რატიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა