პრეზიდენტი პარლამენტში წლიური მოხსენებით შესაძლოა, მარტში წარსდგეს

2017-01-26 10:37:57, 1411 ნახვა

პოლიტიკა

საქართველოს პრეზიდენტი გიორგი მარგველაშვილი პარლამენტში წლიური მოხსენებით შესაძლოა, მარტში წარსდგეს.

როგორც "ექსპრესნიუსს" პრეზიდენტის ადმინისტრაციაში განუცხადეს, აღნიშნულ საკითხზე საპარლამენტო მდივანსა და პარლამენტს შორის მოლაპარაკებები მიმდინარეობს.

"მოლაპარაკებები არის საპარლამენტო მდივანსა და პარლამენტს შორის, რომ ეს პრეზიდენტის წლიური გამოსვლა იყოს მარტის დასაწყისში", - აცხადებენ პრეზიდენტის ადმინისტრაციაში.

ცნობისთვის, რეგლამენტის თანახმად, პარლამენტი, ქვეყნის მდგომარეობის უმნიშვნელოვანეს საკითხებზე პრეზიდენტის ყოველწლიურ მოხსენებას, საგაზაფხულო სესიის პირველ დღეს ისმენს. საგაზაფხულო სესია თებერვლის პირველ სამშაბათს ანუ 7 თებერვალს ბიუროს სხდომით გაიხსნება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან