„ქვეყანამ მიიღო კიდევ ერთი დარტყმა, რაც დასტურია იმისა, თუ როგორ აღიქვამენ დღეს ჩვენს ქვეყანას სტრასბურგში“, - ამის შესახებ ფრაქცია „ევროპული საქართველოს“ წევრმა ზურაბ ჭიაბერაშვილმა ადამიანის უფლებათა ევროპულ სასამართლოში საქართველოს მიერ წარდგენილი მოსამართლეობის კანდიდატების დაწუნებასთან დაკავშირებით განაცხადა.

როგორც ჭიაბერაშვილმა აღნიშნა, საქართველოს აღიქვამენ როგორც ქვეყანას, სადაც ჰყავთ პოლიტპატიმრები შერჩევითი სამართლის პირობებში.

,,ევროპის საბჭოს საპარლამენტო ასამბლეის სპეციალური ქვეკომიტეტის მიერ რომელიმე ქვეყნიდან წარგზავნილი მოსამართლეების მთლიანი სიის დაწუნება  მაშინ ხდება, როდესაც სტრასბურგს ეჭვი ეპარება იმაში, რომ სია არასათანადო, გაუმჭვირვალე პროცედურებით იყო წარდგენილი და აქ ხელისუფლების ხელი არასასურველად ურევია.  ქალბატონი წულუკიანი ცდილობდა საკუთარი პროტეჟეები სტრასბურგის ადამიანის უფლებათა სასამართლოში დაენიშნა. მას ეს თავნებობა  ბიძინა ივანიშვილის საქართველოში გასდის, რომელიც სტრასბურგში რა თქმა უნდა არ გაუვიდა. ეს არის ჩვენი ქვეყნის პრესტიჟის კიდევ ერთხელ შელახვა ბიძინა ივანიშვილის მთავრობის უგუნური ქმედებების გამო, მაგრამ მეორეს მხრივ კარგია იმ თვალსაზრისით, რომ მათ ვერ მოახერხეს პირადი მოსამართლეების გაყვანა. ქვეყანამ მიიღო კიდევ ერთი დარტყმა, რაც დასტურია იმისა, თუ როგორ აღიქვამენ დღეს ჩვენს ქვეყანას სტრასბურგში. საქართველოს აღიქვამენ ქვეყანას, სადაც ჰყავთ პოლიტპატიმრები შერჩევითი სამართლის პირობებში, სადაც ხელისუფლება არ იცავს მაღალ სტანდარტებს“, - განაცხადა ჭიაბერაშვილმა.

ცნობისთვის, 2016 წლის 29-30 სექტემბერს ადამიანის უფლებათა ევროპული სასამართლოს მოსამართლეთა შესარჩევი კომიტეტის სხდომაზე საქართველოდან წარდგენილ 3 კანდიდატთან: ევა გოცირიძესთან, ალექსანდრე ბარამიძესთან, გიორგი ბადაშვილთან გასაუბრებები გაიმართა, შემდეგ კი, კენჭისყრა 2017 წლის იანვრისთვის გადაიდო.

გუშინ გამართულ კენჭისყრაზე სტრასბურგში წარდგენილი მოსამართლეობის კანდიდატურები ჩავარდა. კანდიდატურების წინააღმდეგ ხმა 5-მა მისცა, 1 მომხრე იყო, 2-მა კი კენჭისყრაში მონაწილეობისგან თავი შეიკავა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს