„ნაციონალური მოძრაობის“ წარმომადგენელი ვანო მერაბიშვილს დღეს საპატიმროში შეხვდება

2017-01-23 12:10:14, 1302 ნახვა

პოლიტიკა

„ნაციონალური მოძრაობის“ წარმომადგენელი დღეს საპატიმროში ვანო მერაბიშვილს შეხვდება, - ამის შესახებ პარტიის წევრმა აკაკი მინაშვილმა ჟურნალისტებს განუცხადა.

მინაშვილმა არ დააკონკრეტა, ვინ შეხვდება ე.წ. მატროსოვის ციხეში პარტიის გენერალურ მდივანს.

"დღეს გაიმართება შეხვედრა ვანო მერაბიშვილთან. ჩვენი წარმომადგენელი შევა მასთან და ყველაფერს გაიგებთ, როდესაც საპყრობილიდან გამოვა. ვანო „ნაციონალური მოძრაობის“ გენერალური მდივანია. მას არ გამოუთქვამს მკაფიო პოზიცია, რომ არ სურს გენერალური მდივნობა და მისი ნების საწინააღმდეგოდ მოქმედებას არ ვაპირებთ. ვნახოთ რა შედეგები იქნება", - განაცხადა მინაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან