საქართველოს ტერიტორიაზე 26 იანვრის ჩათვლით არამდგრად ამინდებს პროგნოზირებენ

2017-01-23 09:48:23, 1054 ნახვა

საზოგადოება

საქართველოს ტერიტორიაზე 26 იანვრის ჩათვლით არამდგრად ამინდებს პროგნოზირებენ.

დედაქალაქ თბილისში 23 იანვარს დღე უმეტესად უნალექოდ ჩაივლის, თუმცა შესაძლებელია მცირე თოვლი, 24 იანვარს კი +4 გრადუს სითბოსა და უნალექო ამინდს პროგნოზირებენ, ხოლო 25 იანვარს ჰაერი +8 გრადუსამდე გათბება, 26 იანვარს კი იწვიმებს.

დღეს უმეტესად უნალექო ამინდი იქნება აღმოსავლეთ საქართველოს სხვა ტერიტორიაზეც. ხვალ კი ძირითად რაიონებში მცირე თოვლს ვარაუდობენ. თუმცა, გორში თოვლს დღესაც ელოდებიან, ტემპერატურა +3 გრადუსი იქნება.

რაც შეეხება დასავლეთ საქართველოს, 23-24 იანვარს უნალექო ამინდს პროგნოზირებენ, ხოლო 25-26 იანვარს წვიმას ელიან.

მაღალმთიან ადგილებში კი 26 იანვრის ჩათვლით უმეტესად ნალექიანი ამინდია ნავარაუდევი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან