„სანამ ეს ამბები მოხდებოდა, ჩვენ ძალიან შეკავშირებულად და რწმენით ვიბრძოდით არჩევნებში, მაშინ არავის არ ეტყობოდა, რომ გამარჯვების იმედი არ ჰქონდა“, - ასე შეაფასა „ექსპრესნიუსთან“ საუბარში ფრაქცია „ევროპული საქართველოს“ წევრმა გიგი წერეთელმა ყოფილი პრეზიდენტის მიხეილ სააკაშვილის განცხადება, რომ „ყოფილმა თანაგუნდელებმა გამარჯვების რწმენა დაკარგეს და სჯობს ისინი პარტიაში არ იყვნენ“.

როგორც წერეთელმა აღნისნა, უმჯობესია ოპოზიციური პარტიები ორიენტირებული იყვნენ თანამშრომლობაზე და არა იმაზე, თუ როგორ დაუპირისპირდნენ ერთმანეთს.

„სრულად ყველაფრის შეფასებისგან ბუნებრივია თავს შევიკავებ. ეს მისი მოსაზრებაა. სანამ ეს ამბები მოხდებოდა მე ვფიქრობ, რომ ჩვენ ძალიან შეკავშირებულად და რწმენით ვიბრძოდით არჩევნებში, უთანასწორო ბრძოლაში ხელისუფლების წინააღმდეგ. არ ვფიქრობ, რომ მაშინ ვინმეს არ ჰქონდა იმედი გამარჯვების ან ბრძოლის ეშინოდა. ასეთი რამ არ ყოფილა და  ბუნებრივია, ამ შეფასებას ვერ დავეთანხმები.  ვფიქრობ, უფრო უკეთესია კონცენტრირება მოხდეს თუ რა იყო  და რა მოხდა. ამაზე გაუთავებელ საუბარს ჯობია, ვიფიქროთ იმაზე მომავალში ასე ვთქვათ, როგორ უნდა მოხდეს ჩვენი ოპოზიციური მიზნების განხორციელება, როგორ უნდა მოხდეს საქართველოში ხელისუფლების ცვლილება და  როგორ უნდა შეიცვალოს რთული ცხოვრება, რომელიც დღეს არის. მე მგონი, ოპოზიციური პარტიები სწორედ ამაზე უნდა იყვნენ ორიენტირებული, უნდა ეძებდნენ იმას თუ  სად შეიძლება მათ ითანამშრომლონ, სად შეიძლება იყოს საერთო ინტერესი და არა იმაზე როგორ დაშორდნენ ერთმანეთს, დაუპირისპირდნენ და ხელისუფლებამ მიიღოს რაღაც სარგებელი“, - განაცხადა  გიგი წერეთელმა.

ცნობისთვის, „რუსთავი 2“-თან ინტერვიუში საქართველოს ექსპრეზიდენტმა განაცხადა, რომ ყოფილმა თანაგუნდელებმა იდეის და გამარჯვების რწმენა დაკარგეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს