ექსპერტ კორნელი კაკაჩიას შეფასებით, გასაკვირი არ უნდა იყოს, რომ  მოსახლეობის შეხედულებებთან ყველაზე ახლოს მდგომი პარტია, ევროპული და ევროატლანტიკური ინტეგრაციის საკითხებში, "ნაციონალური მოძრაობაა".

როგორ კაკაჩიამ „ექსპრესნიუსს“  NDI-სკვლევის კომენტირებისას განუცხადა, ამ პარტიისადმი ზოგადად საზოგადოებაში ნეგატიური დამოკიდებულების მიუხედავად, ბოლო პერიოდამდე  „ნაციონალური მოძრაობა“ პროდასავლურ ნიშას მაინც მყარად ინარჩუნდება, რაც  ამომრჩევლებისთვის, რომლებსაც ძალიან მკვეთრი  ევროატლანტიკური ხედვები აქვთ, უცხო არ უნდა ყოფილიყო:

„“ქართული ოცნებისგან“ განსხვავებით,“ ნაციონალურ მოძრაობას“ , მიუხედავად  მისადმი ნეგატიური დამოკიდებულებისა ზოგადად საზოგადოებაში,  ამ სეგმენტში ამომრჩევლების,  რომლებსაც აქვთ ძალიან მყარი  ევროატლანტიკური  ხედვები,  ამ პარტიას  ერთ-ერთი პროევროპული  და პროდასავლური პარტიის ნიშა ჰქონდა აღებული .

ახლა,  პარტიის გაყოფის შემდეგ, როგორ იქნება ეს არვიცით, რამდენად სიცოცხლისუნარიანი აღმოჩნდება თითოეული ეს ჯგუფი, მაგრამ მემგონი გასაკვირი არ უნდა იყოს, რადგან მიუხედავად იმ მინუსებისა, რაც „ნაციონალურ მოძრაობას“ შეიძლება  ჰქონოდა, მათ ეს პროდასავლური ნიშა ყოველთვის მყარი ჰქონდათ. აქედან გამომდინარე, ალბათ ამ ტიპის ამომრჩევლისთვის  ეს არ უნდა იყოს უცხო“,-განაცხადა კორნელი კაკაჩიამ.

შგახსენებთ, ეროვნულ-დემოკრატიული ინსტიტუტისა (NDI) და CRRC-ის საზოგადოებრივი აზრის კვლევის თანახმად, გამოკითხულთა უმრავლესობა მიიჩნევს, რომ მოსახლეობის შეხედულებებთან ყველაზე ახლოს მდგომი პარტია, ევროპული და ევროატლანტიკური ინტეგრაციის საკითხებში, "ნაციონალური მოძრაობაა".

გამოკითხვის თანახმად, საქართველო მეტ სარგებელს მიიღებს ევროპული და ევროატლანტიკური ინტეგრაციით (ევროკავშირსა და ნატო-ში გაწევრიანებით) მოსახლეობის ამ შეხედულებასთან ყველაზე ახლოს მდგომი პარტია "ნაციონალური მოძრაობაა" - 72%-ით, "ქართული ოცნება" - 52%, 48% - არცერთი პარტია, 54%-მა - სხვა პარტიები დაასახელა, 47%-მა კითხვაზე პასუხი არ იცის, ხოლო 46% - პასუხისგან თავი შეიკავა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს