აჭარის საავტომობილო გზების დეპარტამენტს ახალი ხელმძღვანელი ჰყავს

2017-01-11 13:49:59, 1045 ნახვა

რეგიონი

აჭარის მთავრობის თავმჯდომარემ ზურაბ პატარაძემ აჭარის მთავრობის აპარატის მონიტორინგის დეპარტამენტის უფროსი, არჩილ ჩიქოვანი აჭარის საავტომობილო გზებისა და სამელიორაციო სისტემების მართვის დეპარტამენტის ხელმძღვანელის თანამდებობაზე წარადგინა.

პატარაძის განცხადებით, არჩილ ჩიქოვანი არსებული პროექტების განხორციელებისთვის და დასრულებისთვის ყველაფერს გააკეთებს.

ბატონ არჩილს სხვადასხვა სახელმწიფო სტრუქტურებში მუშაობის დიდი გამოცდილება და საჯარო სექტორში მუშაობის 13 წლიანი სტაჟი აქვს. ბოლო 6 თვის განმავლობაში ჩვენ ერთად ვმუშაობდით მთავრობაში, სადაც ბატონი არჩილ ჩიქოვანი მონიტორინგის დეპარტამენტს ხელმძღვანელობდა”,-აღნიშნა ზურაბ პატარაძემ არჩილ ჩიქოვანის წარდგენისას.

ცნობისთვის, არჩილ ჩიქოვანი პროფესიით იურისტია. დაამთავრა თბილისის ივანე ჯავახიშვილის სახელობის სახელმწიფო უნივერსიტეტის სამართალმცოდნეობის ფაკულტეტი. არჩილ ჩიქოვანს საჯარო სამსახურში მუშაობის 13-წლიანი გამოცდილება აქვს. 2013 წლიდან დღემდე ის მთავრობის აპარატში მონიტორინგის დეპარტამენტის უფროსის თანამდებობას იკავებდა

(NS)