პატრიარქის დაბადების  85 წლის   იუბილის, აღსაყდრებიდან 40 წლისა და  ეკლესიის ავტოკეფალიის აღდგენიდან 100 წლისთავის განსაკუთრებულად აღსანიშნავად,  სპეციალური კომისია შეიქმნება.

პრემიერის განმარტებით, გაიმართება რამდენიმე დღიანი კონფერენციები, მათ შორის  საერთაშორისო სამშვიდობო კონფერენცია, რომელსაც მაღალი რანგის  სტუმრები და პოლიტიკოსები დაესწრებიან.

კვირიკაშვილის თქმით, ამ საკითხზე მეტი დეტალი მოგვიანებით გახდება ცნობილი. პრემიერი მიიჩნევს, რომ პატრიარქის, როგორც დიდი მოღვაწის, მნიშვნელობა დიდი ხანია  საქართველოს ფარგლებს გასცდა და მისი იუბილე ღირსეულად უნდა აღინიშნოს.

 „ვფიქრობთ, რომ პატრიარქის, როგორც მოღვაწის, მნიშვნელობა დიდი ხანია გასცდა საქართველოს ფარგლებს და ვფიქრობთ, ეს დღე ღირსეულად უნდა აღვნიშნოთ. სწორედ ამიტომ ვქმნით ამდაგვარ კომისიას და ვიმუშავებთ იმისათვის, რომ ღირსეულად ჩავატაროთ ეს ძალიან მნიშვნელოვანი იუბილე. ასევე, ვფიქრობთ, რომ საქართველოს ეკლესიის როლი ისტორიულად იყო და არის  განსაკუთრებული, როგორც ჩვენი ერის თვითმყოფადობის გადარჩენისა და შენარჩუნების საქმეში, ასევე მშვიდობის უზრუნველყოფის საქმეში. სწორედ ამიტომ  ვფიქრობთ ასეთი ტიპის კონფერენციის ჩატარებას. უფრო მეტი დეტალის შესახებ მაშინ  გახდება ცნობილი, როცა ეს კომისია შეიკრიბება“,-განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს