ენერგეტიკის მინისტრის კახი კალაძის განცხადებით, ამ ეტაპზე ელექტროენერგიაზე ტარიფების გაზრდის საჭიროება არ არსებობს.

როგორც კალაძემ ჟურნალისტებს განუცხადა, ე.წ. ექსპერტებისა და  ოპოზიციური პარტიების  მხრიდან არასერიოზული განცხადებები კეთდება:

„ძალიან არასერიოზულ განცხადებებს ვისმენ ე.წ ექპსერტებისა და ოპოზიციური პარტიების წარმომადგენლების მხრიდან პარლამენტში ტარიფებთან დაკავშირებით. თითქოს, გრაფიკით მოხდება ელექტროენერგიის მიწოდება, ტარიფები გაზირდება და ა.შ. ტარიფებს ადგენს მარეგულირებელი კომისია და გუშინ მათ გააკეთეს განცხადება. დღევანდელი გადმოსახედიდან ელექტროენერგიაზე ტარიფების მატება არ იქნება. ეს განცხადება მოვისმინეთ. გუშინ განიხილეს თბოსადგურების ტარიფები. გარკვეული მიმართულებით მოხდა მატება თბოსადგურების ტარიფებზე, თუმცა ეს არ ნიშნავს, რომ სამომხმარებლო ტარიფები, ანუ ჩვეულებრივი მოქალაქე ელექტროენერგიაზე გადაიხდის გაძვირებულ გადასახადს. ასე რომ, თუ იქნება იმის აუცილებლობა კურსიდან გამომდინარე, რომ ტარიფები გადაიხედოს, ჩვენ ვიქნებით პირველები, ვინც განცხადებას გააკეთებს. დღეს ამის აუცილებლობა არ არის და ყველას მოვუწოდებ, თავი შეიკაონ აბსურდული და არასერიოზული განცხადებებისგან“,- აღნიშნა კალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მედვედევი: NATO-მ ტარანად გამოიყენა საქართველო, უკრაინა, იგივე ხდება მოლდოვაში, სომხეთში

Reuters: უკრაინის თავდასხმის შედეგად, მოსკოვის ნავთობქარხანა წელს ვეღარ იმუშავებს

Rádio Caracol: ვენესუელაში მიწისძვრამ უზარმაზარი ზიანი მიაყენა

რუმინეთის პარლამენტის ქვედა პალატამ მოლდოვასთან გაერთიანების შესახებ კანონი დაამტკიცა