2016-12-16 17:23:34, 2388 ნახვა
პოლიტიკა კომენტარი
უგრეხელიძე ნარმანიას: მართლა ფიქრობთ, რომ ახლა მილიონი ყვავილის დროა ?!
თბილისის მერმა დავით ნარმანიამ საკრებულოს დეპუტატებს 2017 წლის ბიუჯეტით გათვალისწინებული პროექტები და პროგრამები გააცნო, რის შემდეგაც მას კითხვები დაუსვეს.
დეპუტატ სევდია უგრეხელიძის შეკითხვა 2017 წლის ბიუჯეტში გამწვანებისთვის თანხების გამოყოფას ეხებოდა.
სევდია უგრეხელიძე ასევე დაინტერესდა, მილიონი ხიდან რამდენმა გაიხარა.
„ყვავილებს არაფერი ჯობია. საწინააღმდეგო არაფერი გვაქვს, რომ არ იყოს ასეთი მძიმე ეკონომიკური მდგომარეობა. ნახევარი მილიონი ლარიდან რამე რომ ყოფილიყო, თუნდაც დასაქმების კუთხით უკეთესი იქნებოდა. თქვენ მართლა ფიქრობთ, რომ მილიონი ყვავილის დროა? ასევე მინდა გკითხოთ მილიონ ხესთან დაკავშირებით რამდენმა გაიხარა“,-მიმართა უგრეხელიძემ ნარმანიას.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
