აშშ-ის მოქმედი პრეზიდენტის ბარაკ ობამას განცხადებით, ვაშინგტონი იმ რუსი ჰაკერების წინააღმდეგ, რომლებიც აშშ-ის საარჩევნო პროცესში ჩარევას ცდილობდნენ, საპასუხო ზომებს მიმართავს, - ამის შესახებ BBC იუწყება. 

"ვფიქრობ, ეჭვგარეშეა, რომ იმ შემთხვევაში, თუ უცხო ქვეყნის მთავრობა ცდილობს ჩვენი არჩევნების პატიოსნებაზე ზეგავლენის მოხდენას, ჩვენ ზომებს უნდა მივმართოთ", - განაცხადა ბარაკ ობამამ.

როგორც ობამამ აღნიშნა, აშშ მიმართავს  მისი თვალსაზრისით შესაბამის ზომებს.

"ზოგიერთი მათგანი იქნება აშკარა და მათ შესახებ ცნობილი გახდება. ზოგიერთი  - არა", - აღნიშნა ობამამ.

მანამდე აშშ-ის პრეზიდენტის ადმინისტრაციაში არ გამორიცხეს, რომ ჰაკერული ოპერაციის უკან უშუალოდ ვლადიმერ პუტინი დგას.

მედია საშუალების ინფორმაციით, აშშ-ში წინასაარჩევნო კამპანიის დროს კიბერთავდასხმა განხორციელდა დემოკრატიული პარტიის სერვერებზე და ჰილარი კლინტონის საარჩევნო შტაბის ხელმძღვანელის ჯონ პოდესტას ელექტრონულ ფოსტაზე. მოპარული მიმოწერა ვებგვერდ "ვიკილიქსზე" გამოქვეყნდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი იმედოვნებს, რომ უკრაინასა და რუსეთს შორის ცეცხლის შეწყვეტის შეთანხმება 11 მაისის შემდეგ გაგრძელდება

9 მაისი ევროპის დღეა - ექსპო-ჯორჯიაში ევროკავშირის 27 წევრი ქვეყნა გამოფენებებს აწყობს

აშშ-მ სანქციები დაუწესა იმ ფიზიკურ და იურიდიულ პირებს, რომლებიც ირანს „შაჰედის“ წარმოებაში ეხმარებიან

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია