საოცარია უმრავლესობის წევრთა ლოგიკა და საერთოდ გამაკვირვა ქალბატონ სალომე ზურაბიშვილის ლოგიკამ. ვინმემ თქვა ბატონებო, რომ კონსტიტუციაში ცვლილება არ არის შესატანი?! სად მოისმინეთ?!, - ასე მიმართა „ნაციონალური მოძრაობის“ დეპუტატმა აკაკი ბობიხიძემ მმართველ გუნდს პარლამენტის პლენარულ სხდომოაზე სიტყვით გამოსვლისას.

როგორც ბობოხიძემ აღნიშნა, „ნაციონალური მოძრაობა“ საკონსტიტუციო ცვლილებებისთვის მზად არის, თუმცა ამ საკითხთან მიმართებაში მმართველი გუნდის გეგმებით ინტერესდება.

"საიდან დაასკვენით და თუ მეტი დასკვნების გაკეთების უნარი არ გაქვთ პარლამენში, როგორ უნდა განდოთ მართვა ადამიანებმა?! რა შუაშია ჩვენ რა ვქენით იმ კონსტიტუციაში. ამას გვეუბნებით ახლა არგუმენტად, რომ ლაპარაკის უფლება არ გაქვთო. უბრალოდ გეუბნებით ბატონებო, რომ დიახ თქვენ გაქვთ კონსტიტუციური უმრავლესობა და მე საქართველოს მოსახლეობას მივმართავ, დიახ ეს თქვენ მიეცით ამათ გადასახადების გაზრდის უფლება, დიახ თქვენ მიეცით უფლება ამ ბატონებს, რომ ჩაგიძვრნენ ჯიბეში, დიახ თქვენ მიეცით ნება, რომ კიდევ უფრო გაგირტულონ ცხოვრება, მაგრამ სხვა რამეს გეუბნებით ჩვენ", - განაცხადა ბობოხიძემ.

დეპუტატმა პარლამენტის თავმჯდომარეს მიმართა და აღნიშნა, რომ კომისია ისეთი პრინციპით უნდა შეიქმნას, რომ კითხვის ნიშნები არ დარჩეს.

"ბატონო ირაკლი ეს კომისია გავაკეთოთ ისეთი წარმომადგენლობით, რომ ბევრი კითხვის ნიშანი არ დარჩეს და მერე გადაწყვეტილება მაინც თქვენი მისაღები იქნება. ქალბატონი სალომე საქართველოს საზღვრებს გაცდა და თქვა, რომ ემიგრაციის წარმომადგენლობაც გავითვალისწინოთო. კი ბატონო გავითვალისწინოთ, ოღონდ გავითვალისწინოთ არჩევნებში მონაწილე სხვა პარტიებიც, რადგან მათაც მიიღეს ხმები", - აღნიშნა აკაკი ბობიხიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუმინეთის პარლამენტის ქვედა პალატამ მოლდოვასთან გაერთიანების შესახებ კანონი დაამტკიცა

ტრამპმა ზელენსკი შეაქო: „ის საკმაოდ კარგ საქმეს აკეთებს“.

უკრაინამ ბოლო ერთი თვის განმავლობაში მესამედ დაბომბა ნავთობის საწყობი, რომელიც კრასნოდარის ოლქსა და ადიღეს საწვავს ამარაგებდა

ტრამპმა გამოაცხადა, რომ აშშ მზადაა ვენესუელაში მიწისძვრის გამო დახმარება გაუწიოს