მოხარული ვარ, რომ საქართველოს ვიზალიბერალიზაციის საკითხზე ტრიალოგი წარმატებით დასრულდა და ველოდები იგივე შედეგს უკრაინისთვის, - ამის შესახებ მიგრაციის საკითხებში ევროკომისარმა, დიმიტრის ავრამოპულოსმა განაცხადა.

როგორც ავრამოპულოსმა აღნიშნა, საქართველომ ყველა წინაპირობა შეასრულა. 

"ამ ორმა ქვეყანამ განახორციელა რეფორმების სერია ვიზალიბერალიზაციის სამოქმედო გეგმის შესასრულებლად და ახლა ჩვენი დროა, რომ დანაპირები შევასრულოთ და მათ მოქალქეებს ევროპაში უვიზო მიმოსვლა მივანიჭოთ. ჩვენს საერთო პრიორიტეტს ახლა წარმოადგენს როგორც შეჩერების მექანიზმის ამოქმედების, ისე საქართველოს და უკრიანის ვიზალიბერალიზაციის ინიციატივების მიღების პროცედურების დაჩქარება",-აღნიშნა ავრამოპულოსმა.

მისივე თქმით, საქართველოსა და უკრაინასთან უვიზო რეჟიმის სწორი გამოყენება ორივე მხარისთვის სასარგებლო იქნება.

"ჩვენ უნდა შევასრულოთ პარტნიორების წინაშე აღებული ვალდებულებები. საქართველოსა და უკრაინასთა უვიზო რეჟიმის სწორი გამოყენება ორივე მხარისთვის სასარგებლო იქნება, ეს გააძლიერებს კულტურულ და ეკონომკურ კავშირებს, გააქტიურებს მობილობას ამ ქვეყნებსა და ევროკავშირის წევრებს შორის. ეს არის მნიშვნელოვანი და სიმბოლური მიღწევა, რომელიც ერებს დაახალოებს.  ვიმედოვნებ, რომ ის რეალობად იქცევა გაზაფხულის დასაწყისში, შეჩერების მექანიზმის წყალობით, რომელსაც ახლა განვიხილავთ",-აღნიშნა ავრამოპულოსმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო