საფრანგეთის ბიუჯეტის ყოფილი მინისტრი ჟერომ კაიუზაკი გადასახადებისათვის თავის არიდებასა და ფულის გათეთრებაში დამნაშავედ ცნეს და 3 წლით პატიმრობა შეუფარდეს, - ამის შესახებ  France24 იუწყება. 

როგორც მედია საშუალება იტყობინება, პარიზის სასამართლოს გადაწყვეტილებით, ყოფილ მაღალჩინოსანთან ერთად კაიუზაკის მეუღლეც დააკავეს. მას ორი წლით თავისუფლების აღკვეთა მიუსაჯეს.  

France24-ის ინფორმაციით, ჟერომ კაიუზაკი ბიუჯეტის მინისტრის თანამდებობას 2012-2013 წლებში იკავებდა.

ამავე საქმის ფარგლებში დააჯარიმეს ის შვეიცარიული ბანკიც, სადაც ყოფილი მინისტრი და მისი მეუღლე უკანონოდ მიღებულ თანხებს ინახავდნენ. ბანკ Reyl-ს საფრანგეთში საქმიანობა აუკრძალეს და 900 ათასი ევროს გადახდა დააკისრეს.

ბიუჯეტის მინისტრის ფინანსური მაქინაციების შესახებ პირველად ინეტერნეტ-გამოცემა "მედიაპარტმა" ოთხი წლის წინ დაწერა. ჟურნალისტების ინფორმაციაზე დაყრდნობით გამოძიება დაიწყო, რის გამოც კაიუზაკი იძულებული გახდა თანამდებობა დაეტოვებინა.

მოგვიანებით, მედიის მიერ გავრცელებული ინფორმაცია გამოძებამ დაადასტურა. ყოფილ მინისტრს უკანონოდ გახსნილი ანგარიშები  შვეიციარიისა და სინგაპურის ბანკებში აღმოუჩინეს. ასევე დადგინდა, რომ ის სოლიდურ თანხებს ურიცხავდა დედას.

ცნობისთვის, მოსამართლემ ჟერომ კაიუზაკს, სამი წლით თავისუფლების აღკვეთასათან ერთად, ხუთი წლის განმავლობაში პოლიტიკური თანამდებობის დაკავება აუკრძალა.

მედიის ინფორმაციით, ბიუჯეტის მინისტრის ადვოკატები განაჩენის გასაჩივრებას აპირებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა