გამოცემა Time-მა ამერიკის შეერტებული შტატების ახლადარჩეული პრეზიდენტი დონალდ ტრამპი „წლის ადამიანად" დაასახელა, - ამის შესახებ ინფორმაციას BBC ავრცელებს.

მედია საშუალების ცნობით, სწორედ დონალდ ტრამპმა მოახდინა ყველაზე მეტი გავლენა სხვადასხვა მოვლენებზე, მათ შორის მის გამარჯვებას საკმაოდ დიდი რეზონანსი მოჰყვა და წლის ყველაზე განხილვად ადამიანად ითვლება.

ნომინაციაში გამარჯვების შემდეგ, აშშ-ს ახლადარჩეულმა პრეზიდენტმა დონალდ ტრამპმა განაცხადა, რომ ეს მისთვის ძალიან დიდი პატივია და ეცდება, აღნიშნული წოდება გაამართლოს.

აღსანიშნავია, რომ 2012 წელს Time-ის „წლის ადამიანის“ წოდება აშშ-ის მოქმედმა პრეზიდენტმა, ბარაკ ობამამაც მიიღო.

ცნობისთვის, გამოცემა Time-ი "წლის ადამიანს" 90-ედ ავლენს. გუშინ Time-მა “წლის ადამიანის” ნომინაციაზე 11 ფინალისტი გამოავლინა. გამოცემის ინფორმაციით, ფინალისტებს შორის იყვნენ:  “გაერთიანებული სამეფოს დამოუკიდებლობის პარტიის” ყოფილი ლიდერი და “ბრექსითის” აქტიური მომხრე ნაიჯელ ფარაჯი, რუსეთის პრეზიდენტი ვლადიმერ პუტინი, თურქეთის პრეზიდენტი რეჯეპ ტაიპ ერდოღანი, აშშ-ის ყოფილი სახელმწიფო მდივანი ჰილარი კლინტონი, მომღერალი Beyonce, ინდოეთის პრეზიდენტი ნარენდრა მოდი. ამასთან, კიდევ ერთი ფინალისტი სოციალური ქსელის, Facebook-ის დამფუძნებელი მარკ ცუკერბერგი იყო.

შეგახსენებთ, გასულ წელს ჟურნალმა "წლის ადამიანად" გერმანიის კანცლერი ანგელა მერკელი დაასახელა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა