2016-12-06 09:29:10, 1343 ნახვა
პოლიტიკა
ბრიუსელში ნატო-ს საგარეო საქმეთა მინისტერიალი გაიმართება
6-7 დეკემბერს, ბრიუსელში, ნატო-ს შტაბბინაში, საგარეო საქმეთა მინისტერიალი გაიმართება.
მინისტერიალის ფარგლებში ჩრდილოატლანტიკური საბჭოს შეხვედრა იგეგმება. ასევე ნატო-ს გენერალური მდივნის იენს სტოლტენბერგის და საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელის ფედერიკა მოგერინის ერთობლივი პრესკონფერენცია.
ნატო-ს საგარეო საქმეთა მინისტერიალის ფარგლებში, საქართველოს საგარეო საქმეთა მინისტრი, მიხეილ ჯანელიძე მონაწილეობას მიიღებს მტკიცე მხარდაჭერის მისიაში (RSM) ჩართული სახელმწიფოების საგარეო საქმეთა მინისტრების შეხვედრაში.
მიხეილ ჯანელიძე ასევე ორმხრივ შეხვედრებს გამართავს კოლეგა მინისტრებთან და შეხვდება ჩრდილოატლანტიკური ალიანსის გენერალური მდივნის ახალ მოადგილეს როუზ გოტემოლერს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
