თბილისის სახელმწიფო უნივერსიტეტის თვითმმართველობის წევრის ბახვა კვირიკაშვილის შეფასებით, განათლებისა და მეცნიერების კომიტეტის თავმჯდომარესთან და წევრებთან დღევანდელი შეხვედრა გაცნობითი ხასიათის იყო, სადაც მათ და აუდიტორია 115-მა პოზიციები უკვე ფართო რეჟიმში დააფიქსირეს. 

როგორც მან ჟურნალისტებს განუცხადა, მოთხოვნების დაკმაყოფილებაზე საუაბრი ნაადრევია. 

ამასთან, კვირიკაშვილის თქმით, მზად არიან, 12 კითხვასთან დაკავშირებით, რომელიც მათ კომიტეტის თავმჯდომარე მარიამ ჯაშმა გადასცა, აუდიტორია115-თან და ყველა დაინტერესებულ პირთან ერთად იმუშაონ. ბახვა კვირიკაშვილს იმედი აქვს, აუდიტორია 115 თსუ-ს მე-6 კორპუსს დატოვებს: 

​„დღეს შეხვედრიდან გამოსულ არც ერთ ადამიანს არ შეუძლია თქვას, რომ ჩემი მოთხოვნა დაკმაყოფილდა. ეს იყო ჩვეულებრივი გაცნობითი ხასიათის შეხვედრა, სადაც უკვე ფართო რეჟიმში ჩვენც დავაფიქსირეთ ჩვენი პოზიცია და აუდიტორია 115-მაც. არავინ თანხმდება იმაზე, რომ თვითმმართველობა უნდა გაუქმდეს. დღეს და ზოგადადაც ამ საკითხზე გამარჯვებული უნდა იყოს უნივერსიტეტი და სტუდენტობა. ნუ მიიწერს ნურც ერთი ადამიანი საკუთარ გამარჯვებად დღეს რომ პარლამენტის კომიტეტის სხდომაზე იჯდა და მოვუწოდებ ყველა ადამიანს, ინტერპრეტაციებს მოვეშვათ და რაც ხდება ხოლმე შეხვედრაზე, ის გავაჟღეროთ. ამის შემდეგ საზოგადოება შეაფასებს სწორად. იმედი მაქვს, აუდიტორია 115 დატოვებს მე-6 კორპუსს და პრიორიტეტი თუ განათლებასა და მეცნირებას ენიჭება, სტუდენტებს საშუალება მიეცემათ, მიიღონ ეს განათლება მე-6 კორპუსში. ჩვენ, რა თქმა უნდა, იმ 12 კითხვას, რომელიც არსებობს, გავცემთ პასუხს და იშვიათი ანალოგი იქნება სხვადასხვა ქვეყნის კანონმდებლობაში, სადაც რაიმე კუთხით განსხვავებული ვარიანტი იქნება ჩვენი ქვეყნისგან, მაგრამ ვცადოთ, მოვიკვლიოთ, ანალიზი გავაკეთოთ და შემდგომ მივიღოთ გადაწყვეტილება, რომელიც საუკეთესო იქნება სტუდენტებისთვის. ჩვენ მზად ვართ ერთობლივი მუშაობისთვის და არა მარტო აუდიტორია 115-თან. ნებისმიერ დაინტერესებულ სტუდენტთან შეგვიძლია ვითანამშრომლოთ“,-განაცხადა ბახვა კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაჭავარიანი - სასამართლოზე კითხვა-პასუხის რეჟიმში დავინახავთ ზოგადად რამდენად უსუსურ მდგომარეობაშია ეს აგენტურული ოპოზიცია

ნათია თურნავა – ინფლაციის დონეში ძირითადი წვლილი, სულ მცირე, 2.2% გარე ფაქტორებმა შეიტანა

ქუთაისში მანქანა ქვეითს დაეჯახა, კაცი ადგილზე დაიღუპა

საია - ევროკავშირის 2026 წლის ანგარიში საქართველოში ადამიანის უფლებების საგანგაშო მდგომარეობას კიდევ ერთხელ ადასტურებს